Հայ Առաքելական եկեղեցին նշել է Ավետման տոնը


Սուրբ Գայանե վանքում Ավետման տոնական պատարագը մատուցել է Զաքարիա ծայրագույն վարդապետ Բաղումյանը։ Ապրիլի 7-ին Հայ Առաքելական սուրբ եկեղեցին ամեն տարի նշում է Սուրբ Մարիամ Աստվածածնի Ավետման տոնը: Գարեգին Բ Ամենայն Հայոց Կաթողիկոսի տնօրինությամբ օրը հռչակվել է մայրերի ու մայրության բերկրանքին սպասող կանանց օրհնության օր:

 

Ծաղկազարդի տոնական պատարագ է մատուցվել Սուրբ Գրիգոր Լուսավորիչ եկեղեցում


Հավատացյալները ուռենու ոստերից հյուսված պսակներով են մասնակցել Ծաղկազարդի տոնական պատարագին: Այս տոնը խորհրդանշում է Երուսաղեմ՝ Տիրոջ հաղթական մուտքը, որի մասին վկայել են ավետարանիչները: Ամենայն Հայոց Հայրապետի որոշմամբ՝ Ծաղկազարդը նաև մանուկների օրհնության օր է հռչակվել։ Տոնական պատարագի ավարտին կատարվել մանուկների օրհնության կարգ: Աստվածաշնչային ընկերությունն էլ շուրջ 200 արցախահայ երեխաների նվերներ է տվել։

 

Դաունի համախտանիշ ունեցող մարդկանց օրը ելույթ է ունեցել «Արևային զանգակներ» խումբը


Դաունի համախտանիշ ունեցող մարդկանց միջազգային օրը Երևանի Զորավոր սուրբ Աստվածածին եկեղեցում «Արևային զանգակներ» խումբը Ներսես Շնորհալի, Մաշտոց, Կոմիտաս և պատարագից հատվածներ են կատարել։ Ամենայն Հայոց Հայրապետի հովանավորությամբ՝ «Արև-երեխաներ» հասարակական կազմակերպությունը միակն է, որը հոգում է դաունի համախտանիշ ունեցող երեխաների առողջական, կրթական և սոցիալական խնդիրները: Կենտրոնում գրանցված է շուրջ 200 շահառու:

Գրիգոր Լուսավորչի մասունքները բերվել են Խոր Վիրապ վանական համալիր


Հայ Առաքելական սուրբ եկեղեցին նշել է Գրիգոր Լուսավորչին Խոր Վիրապի մահաբեր գուբն իջեցնելու հիշատակության օրը: Հայաստանի տարբեր անկյուններից բազմաթիվ հավատացյալներ իրենց թեմերի հոգևորականների առաջնորդությամբ գնացել են Խոր Վիրապ:

 

«Հայկական համալսարան» կրթական ծրագրի մասնակիցները այցելել են Սաղմոսավանք


«Հայկական համալսարան» կրթական ծրագրի ուսանողները և դասախոսները ճանաչողական այցով հյուրընկալվել են Արագածոտնի թեմում։ «Հայկական համալսարանի» շուրջ 150 մասնակիցներ ստացել են ամենայն հայոց կաթողիկոսի օրհնությունը։ «Հայկական համալսարանը» «Հայկական նախագիծ» գիտակրթական ՀԿ-ի ծրագիրն է, որի նպատակը ակտիվ քաղաքացիական հասարակության ձևավորումն է:

 

Հայորդաց տան սաները մեսրոպյան տառերին նոր շունչ են տվել


Նկարիչների միությունում բացվել է ՄԱՍԷ և ՀԲԸՄ հովանու ներքո գործող Արաբկիրի ՀՏ մանրանկարչության դասարանի սաների «Ծաղկող տառեր» խորագրով ցուցահանդեսը: Նրանց ներկայացրած աշխատանքների մեծ մասը սյուժետային են, որով ներկայացրել են Հիսուսի երկրային կյանքը: Ցուցահանդեսը հոբելյանական է, որովհետեւ Հայաստանում գործող 8 Հայորդաց տներն այս տարի նշում են գործունեության երրորդ տասնամյանը։

 

Դալարիկի Սուրբ Վարդան եկեղեցում մատուցվել է տոնական պատարագ


Սուրբ Վարդանանց զորավարների և 1036 վկաների հիշատակության օրը Դալարիկի եկեղեցում մատուցվել է տոնական պատարագ։ Սա Ավարայրի ճակատամարտում հանուն քրիստոնեական հավատի մարտիրոսված զորավարների և հոգևորականների հիշատակության օրն է: Այս օրը Ամենայն Հայոց Հայրապետի անվանակոչության տոնն է, ինչպես նաև նրանց, ովքեր կրում են 1036 վկաների անունները: Պատարագից հետո հայրապետական մաղթանք է կատարվել:

 

«Քլոտիա Նազարյան» բժշկական կենտրոնը սկսել է սպասարկել արցախցիներին


Բժշկական կենտրոնը գործում է ՀԲԸՄ հովանավորությամբ։ Մինչև այս բժշկական խորհրդատվական ծառայություններ էր մատուցում սիրիահայերին և լիբանանահայերին։ Կենտրոնում տրամադրում են սրտաբանի, մանկաբույժի, հոգեբանի, ակնաբույժի և գինեկոլոգի մասնագիտական խորհրդատվություն, որոշ դեպքերում տրամադրում են նաև համապատասխան դեղեր: ՀԲԸՄ-ը վճարում է սրտի և օնկոլոգիական հիվանդների վիրահատությունների վճարի 20-ից 30 տոկոսը։

Սուրբ Սարգսի տոնին սիրահարները գրքեր են նվիրել միմյանց


Սուրբ Սարգսի տոնի առիթով ԱՀԹ-ն և «Բուկինիստ» գրախանութը կազմակերպել են «Իմ գաղտնի գրքասեր» ակցիան, որով սիրահարները հատուկ զեղչով գնում են գրքեր և հասցեագրում իրենց սիրելիին։ Այս տարի գրքասերներն ամենաշատը նվիրել էին Ալեքս Մայքլիդիսի «Ցասում» վեպը։

 

Նկարիչների միությունում բացվել է Սուրբ Սարգսի տոնին նվիրված ցուցահանդես


ԱՀԹ-ի և Աշխարհի հայ նկարիչների միության ջանքերով Նկարիչների միությունում բացվել է Սուրբ Սարգսին նվիված կերպարվեստի ամենամյա ցուցահանդեսը, որին մասնակցել է Քառասուն արվեստագետ։ Ներկայացված աշխատանքները հիմնականում հոգեւոր թեմաներով են եղել։ Ցուցահանդեսում ներկայացված լավագույն ստեղծագոծությունների հեղինակները կպարգևատրվեն:

 

Նորքի Հայորդաց տան սաները աղի բլիթներ են պատրաստել ու բաժանել երիտասարդներին


Սուրբ Սարգսի տոնի առիթով Նորքի հայորդաց տան սաները Նորքի Սուրբ Սարգիս եկեղեցու երեկոյան ժամերգությանը մասնակցել են իրենց թխած աղի բլիթներով։ Նրանք փաթեթավորել են դրանք ու ժամերգությունից հետո բաժանել երիտասարդներին։ Այս ավանդույթը գալիս է վաղ քրիստոնեության շրջանից, երբ սկսվում էր առաջավորաց պահքը։

Արարատյան հայրապետական թեմի ամառային ծրագիրը կիրակնօրյա դպրոցների սաների համար


Երևանի եկեղեցիներին կից գործող կիրակնօրյա դպրոցների սաներն ամռան ընթացքում մանկավարժների ուղեկցությամբ այցելել են Երևանի տարբեր թանգարաններ, ծանոթացել մեր մշակութային հարուստ ժառանգությանը: Ծրագիրը նախաձեռնել է Արարատյան հայրապետական թեմը, «Հայաստանը թանգարան բաց երկնքի տակ» խորագրով մրցույթը կազմակերպել էր Մայր Աթոռ Ս. Էջմիածնի քրիստոնեական դաստիարակության կենտրոնը: