ՀԲԸՄ տրամադրած հետազոտական դրամաշնորհով արցախցիների համար ստեղծվել է թվային հարթակ


«Արցախ. իմ մանկության փողոցը. 101 պատմություն» նածագիծը թվային հարթակ է, որտեղ ներկայացված են 5-15 տարեկան 101 արցախցի երեխաների պատմությունները: Հարթակը փաստահավաքագրում իրականացնելու գործառույթից բացի, արցախցի երեխաների համար նաև ցանցային գործող համայնք է, աշխարհի տարբեր մասերում հայտնված արցախցիները կարող են գտնել իրար և զրուցել հարազատ բարբառով:

Նկարիչների միությունում կայացել է Հայորդյաց տների աշակերտների ստեղծագործությունների ցուցահանդեսը


Ցուցահանդեսին մասնակցել են Հայորդյաց տների գեղանկարչական և կիրառական արվեստի դասարաններում սովորող աշակերտների գործերը։ Հայաստանում գործող ութ Հայորդյաց տների հարյուրավոր սաներ և մանկավարժներ հնարավորություն են ունեցել ներկայացնելու իրենց կրթօջախներում ընթացող ամենօրյա ստեղծագործական աշխատանքի արդյունքը՝ մանրանկար, քանդակ, գեղանկարչական և խեցեգործական աշխատանքներ: Ցուցահանդեսը նվիրված է եղել Հայորդյաց տների 30-ամյա գործունեությանը։

Գաֆեսճյան կենտրոնը և Շահիդ Չամրանի համալսարանը գրքեր են նվիրել Վաչէ և Թամար Մանուկյան Մատենադարանին


Գիրք նվիրելու օրվա առիթով Խոյի «Մշակույթի և սպորտի կենտրոն» ՀՈԱԿ-ը Մայր Աթոռի Վաչէ և Թամար Մանուկյան Մատենադարանում թումանյանական ցերեկույթ է կազմակերպել։ Գաֆեսճյան արվեստի կենտրոնը և Իրանի Շահիդ Չամրանի անվան համալսարանը գրքեր են նվիրել Վաչէ և Թամար Մանուկյան Մատենադարանին: Նրանք էլ իրենց հերթին Մայր Աթոռ Սուրբ Էջմիածնի Մատենադարանի, հրատարակչության և Հայաստանի Աստվածաշնչային ընկերության կողմից հայագիտական և կրոնագիտական գրականություն են նվեր ստացել։

 

Գրականության եւ Արվեստի թանգարանը Բարսեղ Կանաչյանի 140-ամյակի առիթով ցուցադրություն է կազմակերպել


Թանգարանը ներկայացրել է կոմպոզիտոր, խմբավար Բարսեղ Կանաչյանի ջութակը, որը նրա հայրը մեծ զրկանքներով է գնել։ Կանաչյանը Կոմիտասի հինգ շնորհալի աշակերտներից մեկն էր։ Կոմպոզիտորի ստեղծած խմբերգերը, հայ բանաստեղծների խոսքերով գրված մեներգերը, հայրենասիրական երգերի մշակումներն ու մանկական երգերը հնչել են Սփյուռքում և Հայաստանում։ Հոբելյանի առիթով թանգարանում ելույթ են ունեցել Բարսեղ Կանաչյանի անվան արվեստի դպրոցի սաները:

Սուրբ Սարգսի մասունքը տարվել է Մասյացոտնի թեմի եկեղեցիներ եւ պատարագ մատուցվել


Աջաձև մասունքատուփում ամփոփված Սուրբ Սարգիս Զորավարի մասունքը փետրվարի 16-ին Մայր Աթոռ Սուրբ Էջմիածնից տարվել է Մասյացոտնի թեմի Ոստան գյուղի Սուրբ Սարգիս եկեղեցի և պատարագ մատուցվել: Մասյացոտնի թեմի ջանքերով վերանորոգված եկեղեցում արդեն երկու տարի է յուրաքանչյուր կիրակի պատարագ է մատուցվում: Սրբի մասունքը Մասյացոտնի Ոստան գյուղից տարվել է նաև թեմի մյուս եկեղեցիներ:

Սուրբ Սարգսի մասունքը կիրակնօրյա պատարագին կտանեն Մասյացոտնի թեմի եկեղեցիներ


Մասյացոտնի և մյուս թեմերից՝ քահանաների առաջնորդությամբ ուխտավորները հավաքվել են Արգավանդի Սուրբ Սարգիս եկեղեցի մասնակցելու տոնական պատարագին և սրբի բարեխոսությամբ նորոգելու իրենց ուխտը: Պատարագի ավարտին ներկաները մասնակցել են ճաշի։ Ավելի ուշ՝ կիրակնօրյա պատարագին Մասյացոտնի թեմի եկեղեցիներ կտաեն Սուրբ Սարգսի մասունքը:

 

Դաունի համախտանիշով երեխաների համար ամեն շաբաթ կազմակերպվում է երաժշտական թերապիա


Նրանք լսում և նվագում են դասական երաժշտություն: «Երաժշտական թերապիա փոքրերի համար» ծրագիրն իրականացվում է մասնագետների կողմից։ Գրիգոր քահանա Գրիգորյանի նախաձեռնությամբ նրանց հիմնախնդիրներով զբաղվում է «Արև-երեխաներ» երեխաների առողջության և զարգացման կենտրոն ՀԿ-ը: Արդեն հինգ տարի է կենտրոնը գործում է Կորյունի 19ա հասցեում գտնվող հարմարավետ հաստատության մեջ, որը Վեհափառ հայարապետի աջակցությունն է երեխաներին:

 

Թեքեյան կենտրոնում բանակի տոնի առիթով Զոհրաբ Ըռքոյանը ներկայացրել է լուսանկարների ցուցահանդես


Հեղինակը բանակի շարքերում է եղել 80-ականներից սկսած։ Նրա տեսախցիկը որսացել է Արցախի բոլոր բնակավայրերը, հոգեւոր ու մշակութային կոթողները, բանակում ծառայող կանանց ու հոգեւորականներին։ Պեյո Յավորովի անվան 131 հիմնական դպրոցի աշակերտները միջոցառմանը ռազմահայրենասիրական երգ ու պար են կատարել: Սա մայրաքաղաքի առաջին դպրոցներից մեկն է, որտեղ ազգային երգ ու պար է դասավանդվում:

 

Մայր Աթոռի «Էջմիածին» պաշտոնական ամսագիրը անընդմեջ հրատարակվում է ավելի քան 80 տարի


Իր որդեգրած կրթադաստիարակչական առաքելությամբ և պատմաբանասիրական, կրոնական ուսումնասիրություններով՝ «Էջմիածին» ամսագիրը «Արարատի» ժառանգորդն է, որը լույս էր տեսնում 1868-ից 1919 թվականներին, մինչև Արևելյան Հայաստանում խորացող սոցիալ-տնտեսական ճգնաժամն ու խորհրդային կարգերի հաստատումը: Ամսագրի տպաքանակը պարբերաբար նվազել է՝ 1000-ից հասնելով 150-ի: Խորհրդային տարիներին 60, անկախության տարիներից՝ 160 էջի սահմաններում է ամսագրի ծավալը: խմբագրությունը տարին երկու անգամ հրատարակում է ամսագրի օտարալեզու հավելվածներ. օրինակ, Ներսես Շնորհալու հանելուկները չինարեն թարգմանությամբ:

 

Սուրբ Աստվածածին եկեղեցու կիրակնօրյա դպրոցի սաները Սուրբ Ծննդյան թեմայով ներկայացում են բեմադրել


Հոգևոր կրթությանը զուգահեռ Կիրակնօրյա դպրոցում երեխաները սովորում են երգեցողություն, պար, նկարչություն և այլն: Սուրբ Աննա և Կաթողիկե Սուրբ Աստվածածին եկեղեցիներում գործող կիրակնօրյա դպրոց շուրջ հիսուն երեխա է հաճախում: Կիրակնօրյա դպրոցներ գործում են հայ Առաքելական եկեղեցու գրեթե բոլոր թեմերում՝ եկեղեցասեր, ազգասեր, քրիստոնեական բարոյականության բարձր արժեքներով սերունդ կրթելու առաքելությամբ:

Քաշաթաղի հուշարձանների լուսանկարները հավաքվել են մեկ գրքում


Լրագրող, լուսանկարիչ Զոհրաբ Ըռքոյանը և բանասիրական գիտությունների թեկնածու, դոցենտ Մհեր Քումունցը համատեղ հրատարակել են «Լեռնային Ղարաբաղի հակամարտության գոտու պատմամշակութային ժառանգությունը» գիրքն անգլերենով։ Զոհրաբ Ըռքոյանը 1996-2020 թվականներին լուսանկարել է Քաշաթաղի շրջանի հուշարձանները, որոնց մեծ մասը տեղ են գտել գրքում: Արցախի հարուստ մշակութային ժառանգությունը ներկայացնելով՝ հեղինակները փորձում են լուսանկարի միջոցով ապրեցնել կորսված մշակույթը:

 

Իզմիրլյան ԲԿ-ում կատարվել է Տնօրհնեքի և Ջրօրհնեքի արարողություն


Հոգևորականը սուրբ Ավետարանով, մյուռոնով և խաչով օրհնել է ջուրը, աղը, հացը՝ Տիրոջից խնդրելով մարմնավոր և հոգևոր բժշկություն, բարօրություն յուրաքանչյուրի տան շեմից ներս: Դեռևս առաքելյալների ժամանակներից հաստատված այս կարգը կատարվում է Սուրբ Ծննդյանը հաջորդող ութ օրերի ընթացքում: Ջրի օրհնությամբ հավատացյալ քրիստոնյաներին Քրիստոսի սուրբ Մկրտության խորհուրդն է փոխանցվում: