Միաբանական համագումարի անդամները Սուրբ Գրիգոր Լուսավորիչ եկեղեցում մասնակցել են ժամերգության


Համագումարի մեկնարկն ազդարարվել է հունիսի 17-ին։ Մինչ այդ մասնակիցները Երևանի Սուրբ Գրիգոր Լուսավորիչ Մայր եկեղեցում միասնաբար մասնակցել են երեկոյան ժամերգությանը: Ավելի ուշ եկեղեցականները այցելել են «Եռաբլուր» զինվորական պանթեոն՝ հարգանքի տուրք մատուցելու հանուն հայրենիքի իրենց կյանքն ընծայաբերած քաջորդիների հիշատակին և աղոթելու նրանց հոգիների հանգստության ու խաղաղության համար։

 

«Պատանի երկրապահ» ակումբում կայացել է Աստվածաշնչի գիտելիքի համաբանակային վիկտորինա


Հայաստանի Աստվածաշնչային ընկերության և ԶՈւ Հոգևոր Առաջնորդության նախաձեռնությամբ «Աստվածաշունչը փոխակերպում է զինվորի կյանքը» համատեղ ծրագրով անցկացվել է «Աստվածաշնչային գիտելիքի համաբանակային մրցույթ»։ Առաջին անգամ ամենամյա վիկտորինային մասնակցելու հայտ է ներկայացրել Երկրապահ կամավորական միության պատանի երկրապահների ակումբը: Առաջին երեք տեղերը զբաղեցրած՝ Կոտայքի, Արագածոտնի և Արմավիրի թիմերը պարգևատվել են Աստվածաշունչ մատյաններով, Աստվածաշնչի բառարաններով և «Շուշան Վարդենի» գրքերով։

 

Օծվել է Գեղարքունիքի թեմի Մադինա գյուղի Սուրբ Ամենափրկիչ նորակառույց եկեղեցին


Չորս տավա շինարարությունից հետո հավատացյալների առջև իր դռներն է բացել Մադինայի Սուրբ Ամենափրկիչ նորակառույց եկեղեցին: Սրբավայրն օծվել է Գեղարքունիքի և Վիրահայոց թեմի առաջնորդներ ձեռամբ և թեմի քահանաների աղոթակցությամբ: Քահանա հայրերը ջրով, ապա գինով լվացել են առաքյալների անվանակիր սյուները, եկեղեցու սուրբ սեղանն ու մկրտության ավազանը: Նրանք սաղմոսներ երգելով, կենսատու մյուռոնով օծել են եկեղեցին և սրբագործված աղոթատանը հավատացյալների հետ միասին հնչեցրել առաջին Հայր Մերը:

 

Գրիգոր Լուսավորիչ եկեղեցում կազմակերպվել է «Հանձնիր արյուն, փրկիր կյանք» խորագրով ակցիա


Յոլյանի անվան արյունաբանության և ուռուցքաբանության կենտրոնի Արյան ծառայության անձնակազմը Սուրբ Գրիգոր Լուսավորիչ Մայր եկեղեցում դոնորներից արյուն է վերցրել։ Նրանց եկեղեցում դիմավորել են «Լուսավորիչ» միության երիտասարդները, որոնք մինչև օրվա վերջ անվարձահատույց համակարգել են աշխատանքը։ Հայաստանում մշտապես կա արյան դոնորների կարիքը։ Մեկ դոնորը կարող է փրկել 3 կյանք:

 

Դիլիջանում կառուցվող եկեղեցուն աջակցելու համար անցկացվել է «Բոլորով» փառատոնը


Փառատոնը կազմակերպել է Դիլիջանի համայնքային կենտրոնը, որտեղ ներկայացվել է նկարչության ու քանդակի ցուցահանդեսներ, երգի, պարի և վարպետության դասեր։ Միջոցառման նպատակն է համախմբել ստեղծագործող մարդկանց ընդհանուր գաղափարի շուրջ, աջակցել եկեղեցու շինարարությանը և զորակցություն հայտնել Ադրբեջանում անազատության մեջ գտնվող Ռուբեն Վարդանյանին և հայ գերիներին:

 

Գարեգին Երկրորդն ընդունել է վերապատրաստման դասընթացի մասնակից քահանաներին


Ամենայն Հայոց Կաթողիկոսն ընդունել է եկեղեցականների վերապատրաստման դասընթացներին մասնակցած հոգևորականների 19-րդ խմբի անդամներին: 2023-ից Հայաստանի և Սփյուռքի թեմերից ժամանած շուրջ 400 հոգևորականներ «Գարեգին Ա» կրթական կենտրոնում մասնակցել են երեքշաբաթյա դասընթացներին, հոգևոր կյանքին վերաբերող արդի թեմաների ուսումնասիրությունից ու քննարկումներից զատ հոգևորականները 3 շաբաթ շարունակ հնարավորություն են ունեցել ապրել միաբանական կյանքով, մասնակցել ժամերգություններին, նորոգել իրենց ուխտն ու զորանալ Մայր Աթոռից բխող օրհնությամբ։

 

Սիսիանի Լոր գյուղում վերաօծվել է 17-րդ դարի Սուրբ Հովհաննես եկեղեցին


1686 թվականին կառուցված եկեղեցին Համո Սահյանի ամենասիրելի ուխտավայրն է եղել, հաճախ է ծննդավայր եկած հյուրերին անձամբ ուղեկցել սրբավայր: Բնակիչների պնդմամբ՝ եկեղեցու հարևանության «կծու ջուր» կոչվող աղբյուրը մեծ զորություն ունի: Այն բխում է եկեղեցու տակից: Եկեղեցին վերաօծել է Սյունյաց թեմի առաջնորդ Մակար եպիսկոպոս Հակոբյանը։

 

ՀԲԸՄ դահլիճում ցուցադրվել է Ռուբեն Գևորգյանի և Մարիամ Եգորյանի «Շուշի. ԱՄԷՆ» փաստագրական ֆիլմը


Ռեժիսոր Ռուբեն Գրիգորյանի «Հայոց Արեւելից կողմերի պատմություն. Արցախ» ֆիլմաշարի վեցերորդ ֆիլմը վարպետի մահից հետո՝ 2021 թվականին, ավարտին է հասցրել նրա ուսանողուհին՝ երիտասարդ կինոռեժիսոր Մարիամ Եգորյանը: .- «Շուշի. ԱՄԷՆ» ֆիլմը մասնակցել է Մենշովի անվան «Պոբեդիլի վմեստե» վավերագրական ֆիլմերի հեղինակավոր փառատոնին, Սրետենսկու անվան ուղղափառ երիտասարդական փառատոնին և արժանացել երկու մրցանակի: Ֆիլմը մի քանի անգամ ցուցադրվել է Երևանում, Տորոնտոյում, Լոս Անջելեսում և ամենուր բարձրաձայնել պատմական Շուշիի իրական տերերի, այնտեղ ստեղծված հայկական մշակույթի մասին։

 

Հայոց Ցեղասպանության 110-րդ տարելիցին նվիրված համերգ է կազմակերպվել կամերային երաժշտության տանը


Կոմիտասի անվան կամերային երաժշտության տանը Հայոց ցեղասպանության տարելիցի առիթով կազմակերպվել է «Ի հիշատակ» համերգային երեկո: Ամեն տարի ապրիլի 24-ին ընդառաջ Հայաստանի Պետական Կամերային Երգչախումբը, գեղարվեստական ղեկավար և գլխավոր դիրիժոր Ռոբերտ Մլքեյանի ղեկավարությամբ, համերգային ծրագրով իր խոնարհումն է հայտնում Հայոց Ցեղասպանության սրբադասված նահատակներին: Երգչախումբը հանդես էր գալիս երգեհոնային երաժշտության ուղեկցությամբ:

 

Հայոց ցեղասպանության սուրբ նահատակների հիշատակին հնչել է Մոցարտի «Ռեքվիեմը»


Համերգը ղեկավարել է Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը: Այն երաժշտության լեզվով դատապարտող կոչ է ընդեմ 110 տարի առաջ կատարված հանցագործության հայ ժողովրդի և ամբողջ մարդկոթւյան դեմ: Մոցարտի «Ռեքվիեմը»՝ բոլոր ժամանակների ամենաազդեցիկ հոգեհանգստյան մեսսան է և Տիրոջն ուղղված ոգեշունչ աղոթք։ Մոցարտն իր «Ռեքվիեմում» երաժշտության միջոցով արտահայտել է մարդկային հոգու խռովքը, վիշտն ու տառապանքը, նաև խաղաղաղությունը։

Ավագ ուրբաթ բոլոր եկեղեցիներում հիշատակվել է Տիրոջ խաչելությունն ու մահը


Հոգևորականները չորս Ավետարաններից ընթերցում են Հիսուսի՝ երկրի վրա վերջին ժամերը բովանդակող դրվագները՝ Պիղատոսի մոտ տարվելու, Գողգոթայի վրա խաչվելու, մահվան, արևի խավարման ավետարանական հատվածները: Չորս ավետարաններում նկարագրված մատնության, ձերբակալության և դատապարտության տեսարաններն արտահայտում են Քրիստոսի մարդկային և աստվածային էությունների դրսևորումները՝ մարդկային տառապանքն ու ցավը, խաչի վրա իրեն խաչողներին ներելը:

 

Երևանի Սուրբ Գրիգոր Լուսավորիչ Մայր եկեղեցում Ծաղկազարդի առիթով մատուցվել է տոնական պատարագ


Հիսուսի առջև հանդերձներ փռելը խորհրդանշել է մեղքերը Քրիստոսին խոստովանելը: Ոստեր և ճյուղեր ընծայելն առանձնակի պատիվներ և հանդիսավորություն է նշանակում: Ձիթենին ընկալվել է որպես իմաստության, խաղաղության, հաղթանակի և փառքի խորհրդանիշ: Մեռյալ Ղազարոսին հարություն տված Քրիստոսին ձիթենու և արմավենու ճյուղերի ընծայումը խորհրդանշում է մահվան հանդեպ հաղթանակը: