Օպերատոր Գևորգ Ավագյան

Աղիտուի հուշարձանը և Թանահատի վանքը

Թանահատի վանքը կամ ինչպես տեղացիններն են ասում Կարմիր վանքը Սիսիանից 25 կմ հարավ-արևմուտք է՝ Արևիս գյուղի մոտ: Ստեփանոս Օրբելյանը վանքը «մեծ առաքինարան» է անվանել, որտեղ ճգնող և սպասավորաղ հոգևորականների սրբակենցաղության մասին բազմաթիվ ավանդազրույցներ են հյուսվել։ Մեր այս ճամփորդության ընթացքում ներկայացրել ենք նաև Աղիտու գյուղի 6-7-րդ դարերի եզակի հուշարձանը:

Մայր Տաճարում մատուցվել է Պայծառակերպության տոնական պատարագ

Պատարագը մատուցել է Արշակ եպիսկոպոս Խաչատրյանը։ Սրբազան հայրը կոչ է արել մաքրել մտքերը, ցրել հորիզոնի մշուշը։ Նա մաղթել է, որ պատերազմի կորուստներից ու ցավերից բեկված հայ ժողովուրդն ամրանա հույսով ու հավատքով, արժանապատվությունն ու պատվախնդրությունը ոռոգեն մեր հաղթական ճանապարհը և Տիրոջ արդար ձեռքը ծանրանա նրանց վրա, ովքեր մարտնչում են Աստուծո և Իր Սուրբ Եկեղեցու դեմ։ Տոնական պատարագի ավարտին հավատացյալներն ընդառաջ են եկել հայրապետական թափորին՝ ստանալու Ամենայն հայոց կաթողիկոսի օրհնությունը:

Վեհափառ Հայրապետի հանդիսապետությամբ բացվել է Կաթողիկոսական դամբարանի և մոմավառության սրահ

Կաթողիկոսական դամբարանը կառույցի կենտրոնում է տեղակայված, աջ և ձախ կողմերը նախատեսված են մոմավառության համար: Կառույցը նաև երկու խորան ունի, որոնք Նորին Սրբությունը օծել է և կոչեց Թադեոս և Բարդուղիմեոս առաքյալների անուններով: Շուրջ 1000 ք/մ տարածք զբաղեցնող ստորգետնյա, կամարակապ կառույցի ճարտարապետների համար սկզբունքային է եղել պահպանել տարածքում գյություն ունեցող պատմական կառույցների հետ ժամանակակից կառույցի ներդաշնակությունը: Ամեռնայն Հայոց Կաթողիկոսը նկատել է, որ դամբարանը գալիք սերունդներին հիշեցնելու է ամենայն հայոց Կաթողիկոսների հոգեխնամ առաքելության մասին, որով բարեզարդվել է համայն հայ ժողովրդի ազգային ու եկեղեցական անդաստանը:

«Կադանս» անսամբլ

Ավելի քան 20 տարվա պատմություն ունեցող «Կադանս» անսամբը վերակազմավորվել է, երաժշտական հայտնի հնգյակին ավելացել է նաև պարային խումբ: Եթե սկզբնական շրջանում «Կադանսը» կատարում էր մասնավորապես Աստոր Պյացոլլայի գործերը, ապա ժամանակի ընթացքում անսամբլը ընդլայնել է կատարումները` ներառելով եվրոպական, ամերիկյան, ռուս և հայ դասական և ժամանակակից կոմպոզիտորների գործեր: Այսուհետ «Կադանսը» նորովի ու նոր ձևաչափով հանդես կգա:

Սրտաբան Վարդգես Մովսեսյան

44-օրյա պատերազմի մասնակից, սրտաբան Վարդգես Մովսեսյանի համար դժվար է վերապրել այդ օրերի հիշողությունները: Յուրաքանչյուր բժշկի համար ամեն զինվորի փրկված կյանք մեծ պարգև է: Պատերազմում զոհվել է նրա հարազատ եղբայրը, սրտաբանի համար հայրենիքը սկսվում է Արցախց, որտեղից նա սերում է, ու չի ավարտվում։

Տ. Արարատ քահանա Շահվերդյան

Ինչպե՞ս հասկանալ Մատթեոսի ավետարանի՝ «եթե ուզում եք ընդունել, Հովհաննեսն է Եղիան, որ գալու է» խոսքը:
Պատարագի ընթացքում ե՞րբ է ճիշտ ծնկի գալը:
Էջմիածնի Մայր տաճարի տոնն ինչո՞ւ ենք անվանում նաև Կաթողիկե Սուրբ Էջմիածնի տոն:
Հայ Առաքելական եկեղեցու հետևորդը կարո՞ղ է հաղորդություն ստանալ Կաթոլիկ եկեղեցում:
Ինչի՞ մասին է Երեմիա Մարգարեի Ողբի՝ Տերը խավարեցրեց Սիոնի դստերն իր ցասումով և բարկությամբ խոսքը:

Հեռուստադիտողների և օգտատերերի հարցերին պատասխանել է Տ. Արարատ քահանա Շահվերդյանը: Գրեք ձեր հարցերը «Հարց ու պատասխան» ֆեյսբուքյան էջին: 
 

Սիսիան. Սուրբ Գրիգոր Լուսավորիչ եկեղեցի

360-ական թվականներին պարսից զորքերի կողմից Սյունիքի իշխանանիստ Շաղատ ավանի և վանքի ավերումից հետո, Սյունի վանքը դարձել է Սյունիների իշխանական տոհմի գլխավոր սրբավայրը և մինչև 9-րդ դարը եղել է Սյունիքի եպիսկոպոսական աթոռանիստը և նախարարական տոհմի գահանիստ կենտրոնը: Սյունյաց իշխանուհի Վարազդուխտը 6-րդ դարի 80-ական թվականներին վանքի հնագույն տաճարի տեղում կառուցել է Ս. Գրիգոր Լուսավորիչ տաճարը, որն այժմ էլ Սիսիանի այցեքարտն է:

Որոտնավանք

Որոտնավանքը միջնադարյան գիտակրթական հզոր կենտրոններից է եղել, այստեղ գործել են Հովհան Որոտնեցին, նրա աշակերտ Գրիգոր Տաթևացին, Առաքել Ծաղկողը: Գրվել են գիտական աշխատություններ, ընդօրինակվել ու ծաղկվել ձեռագրեր: Ժամանակին Որոտնավանքում ճգնող հայ վարդապետների համբավը հասել է մինչև Եվրոպա: Մոտ մեկ դար վանքը չի գործել, վերջին տարիներին Սյունիքի թեմի առաջնորդի նախաձեռնությամբ վերականգնվել է վանքը, մշտական հոգևորական է նշանակվել, աստիճանաբար հոգևոր կյանքը վերազարթոնք է ապրում:

Բյուրավանում նշել են Սուրբ Գրիգոր Լուսավորիչ եկեղեցու վերաօծման 25-րդ տարեդարձը

Գրիգոր Լուսավորչի նշխարների գյուտի տոնին տոնական պատարագ է մատուցվել Արարատի մարզի Բյուրավան համայանքի Սուրբ Գրիգոր Լուսավորիչ եկեղեցում: Համայնքն ու հյուրերը տոնեել են եկեղեցու վերաօծման 25-րդ և հիմնադրման 195-րդ տարեդարձը:

ՀԵՀԵՄ ուխտավորների մասնակցությամբ Մայր Աթոռում մատուցվել է Սուրբ Պատարագ

Ամենայն Հայոց Կաթողիկոսի հանդիսապետությամբ Միածնաէջ Մայր Տաճարում մատուցվեել է Սուրբ և Անմահ Պատարագ: Պատարագին մասնակցելու և Հայոց Հայրապետի օրհնությունը ստանալու համար Մայր Աթոռ են գնացել Հայ Եկեղեցու համաշխարհային երիտասարդական միավորման անդամները: Այս օրերին Մայր Աթոռում են նաև հայ եկեղեցու տարբեր թեմերի առաջնորդներ, որոնք մասնակցում են երիտասարդական հավաքի հոբելյանական 25 ամյակին: