Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին
 |
Արցախի Հանրապետությունը՝ դե ֆակտո պետություն. Վարդան Պողոսյան«Արցախի Հանրապետության միջազգային ճանաչման հրամայականը» համաժողովին միջազգային հարաբերությունների մասնագետ, սահմանադրագետ Վարդան Պողոսյանը ներկայացնում է Արցախի Հանրապետության՝ որպես դե ֆակտո կայացած պետության դեպքը. «Պետության առաջացումը պատմական փաստ է՝ անկախ նրանից, թե ինչ հիմքով է առաջացել: Միջազգային իրավունքը ընդունում է այն իրողությունը, որ կա պետություն՝ ելնելով պետության հատկանիշների առկայության հանգամանքից»: Որո՞նք են այդ հատկանիշները և ինչպե՞ս է Արցախի Հանրապետությունը հանդիսանում միջազգային իրավունքի սուբյեկտ: |
 |
Արցախի Հանրապետության միջազգային ճանաչման հրամայականը. Լևոն ԳևորգյանՄայր Աթոռ Սուրբ Էջմիածնի օրհնությամբ կազմակերպվել է համաժողով՝ «Արցախի Հանրապետության միջազգային ճանաչման հրամայականը» խորագրով: Միջազգային իրավունքի մասնագետ Լևոն Գևորգյանը ինքնորոշման իրավունքի թեման սկսում է երեք հիմնարար գաղափարների ներկայացմամբ՝ Արցախի տիտղոսային պատկանելության, տարածքային ամբողջականության սկզբունքի, «խորհրդային սահմանների շարունակականություն» հասկացության: Այստեղից է հաճախ սկսվում միջազգային իրավունքի և քաղաքական-քարոզչական թեզերի բախումը: |
 |
Պետությու՞ն, թե՞ գաղթօջախԻ՞նչ ինքնություն և պետություն է կերտում այսօր Ադրբեջանը ի հաշիվ մեզ: Ինչպիսի՞ ինքնություն է ձևավորվում մեզանում 2020թ. պատերազմից հետո: Տաղավարում պատմական գիտությունների թեկնածու, իսրայելագետ Սերգեյ Մելքոնյանն է: Զրույցը վարում է Աննա Սարգսյանը: |
 |
Պետություն և արժանապատվությունՊատկերացնու՞մ էիք, որ կգա միօր, երբ Արցախը 2 ամսից ավելի անորոշ շրջափակման մեջ կլինի, իսկ Երևանի փողոցներում ոչինչ չի կատարվի: Հետպատերազմյան ազգային ինքնության մասին զրուցում ենք ազգագրագետ Մխիթար Գաբրիելյանի հետ: Զրույցը վարում է Աննա Սարգսյանը: |
 |
Շրջափակումը՝ ցեղասպանության վտանգՑեղասպանագետների միջազգային ընկերակցությունը հունվարի 30-ին ընդունել է նոր հայտարարություն՝ դատապարտելով Արցախի շրջափակումը: Կազմակերպությունը 2022թ. հոկտեմբերին ընդունել էր նաև հայտարարություն՝ դատապարտելով Հայաստանի Հանրապետության տարածքի վրա ադրբեջանական հարձակումը: Ցեղասպանության վտանգը և Արցախի տևական շրջափակումը թեման քննարկում ենք ցեղասպանագետ Սուրեն Մանուկյանի հետ: Զրույցը վարում է Աննա Սարգսյանը: |
 |
Օդում կախված պատերազմըԱհագնացող սպասում կա, որ տարածաշրջանը ներգրավվում է մեծ բախման մեջ: Ի՞նչ ընկալում կա դրա մասին Հայաստանում: Ի՞նչ դեր է կատարում շրջափակված Արցախը ռազմաքաղաքական բարդ վերադասավորումների մեջ: Քննարկում ենք ռազմական վերլուծաբան Ռոբերտ Նազարյանի հետ: Զրույցը վարում է Աննա Սարգսյանը: |
 |
Ի՞նչ մարտահրավեր է ուղղված մեզԱրցախը շրջափակված է, ՀՀ տարածքային ամբողջականությունը՝ խախտված: Ուղիղ սպառնալիք է հնչում Երևանի ուղղությամբ: Ինչու՞ է հայության արձագանքը անհամարժեք, արդյո՞ք մենք նույն՝ 88-ի ժողովուրդը չենք: Քննարկում ենք քաղաքագետ, տնտեսագետ Հրանտ Միքայելյանի հետ: Զրույցը վարում է Աննա Սարգսյանը: |
 |
Արցախյան հիմնահարցը և Լաչինի արգելափակված միջանցքըՄեկ ամսից ավելի է՝ ադրբեջանցիների կողմից արգելափակված է Լաչինի միջանցքը: Հումանիտար ճգնաժամը առաջացրել է քաղաքագիտական թնջուկ. պարզ է, որ Արցախի շրջափակաումը միջոց է: Հստակ չեն, սակայն, իրական նպատակները, այդ թվում՝ գերտերությունների: Դիմակայելու որքա՞ն ռեսուրս ունի հայ ժողովուրդը: «Երրորդ հազարամյակի» տաղավարում հյուրընկալվել է կովկասագետ, Արցախյան հիմնահարցի փորձագետ Կարեն Իգիթյանը: Զրույցը վարում է Աննա Սարգսյանը: |
 |
2022 թվականը «Երրորդ հազարամյակի» տաղավարումՀետպատերազմյան Հայաստանի ու Արցախի խնդիրների ու դրանց լուծումների մասին զրուցելու համար 2022թվականին մեր տաղավարում հյուրընկալվել են 30-ից ավելի փորձագետներ, մասնագետներ ու վերլուծաբաններ: Զրույցներն ամփոփել ենք մեկ տեսանյութում: |
 |
Տնտեսությունը 2020 թվականից հետոԻ՞նչ է փոխել 2020 թվականի պատերազմը մեր տնտեսության համար: Ինչպե՞ս է հնարավոր հաղթահարել խորացող աղքատությունը և տնտեսության փլուզումը: «Երրորդ հազարամյակի» տաղավարում տնտեսագետ Աշոտ Խուրշուդյանն է: Զրույցը վարում է Աննա Սարգսյանը: |
 |
Ոչ ֆորմալ կրթությունը մարզերում. մեկ դրվագ, բազմաթիվ հարցեր«Հովհաննիսյան» ինստիտուտը Վայոց Ձորի մարզում իրականացրել է «Ինչ է պատմում լուսանկարը» կրթական ծրագիրը պատանիների համար: Պատանիներն ընտրում են լուսանկարներ ընտանեկան հին ալբոմներից և ինքնուրույն հետազոտական աշխատանք կատարում դրանց շուրջ: Ինչ է բացահայտվել միջսերնդային կապերի, հասարակական փոփոխությունների հետևանքների ու պատանիների վերաբերմունքի մասին՝ պատմում են մշակութային մարդաբան, ծրագրի դասընթացավար Գայանե Շագոյանը և «Հովհաննիսյան» ինստիտուտի մարզային ծրագրերի ղեկավար Հերմինե Ստեփանյանը: Զրույցը վարում է Աննա Սարգսյանը: |
 |
Երկրաշարժ, պատերազմ, փլուզում. դիմակայունության հակառակ կողմըՎերջին 34 տարիներին մենք վերապրել ենք ավերիչ երկրաշարժ, առնվազն 3 պատերազմ: Ի՞նչ գիտենք բնական ու մարդածին աղետներին դիմակայելու մասին: Դիմակայունությունը ազգային հատկանի՞շ է, թե՞ պետական ծրագիր: Քննարկում ենք ճգնաժամային կառավարման փորձագետ, փրկարար ծառայության գեներալ-մայոր Նիկոլայ Գրիգորյանի հետ: Զրույցը վարում է Աննա Սարգսյանը: |
