Հեղինակ և վարող՝ Աննա Սարգսյան
Արագ փոփոխվող ժամանակակից աշխարհում անհատը ինքնադրսևորման խնդիր ունի, հասարակությունները՝ ինքնության նոր նշանների: Մարդկությանը հուզող հավերժական հարցերը, համամարդկային արժեքներն ամեն հանրույթում փորձության են ենթարկվում յուրովի և պահանջում են լուծումներ յուրաքանչյուր անհատից առանձին:
«Հետխորհրդային հայ իրականություն», «Հավաքական հիշողություն», «Գիտելիք և տեղեկատվություն», «Անկախության դասեր», «Լեզու և ինքնագիտակցություն»... Թեմաներ, որ քննարկում են վաստակաշտ և երիտասարդ գիտնականներն, արվեստագետներն ու հոգևորականները «Երրորդ հազարամյակի» տաղավարում:
Հաղորդաշարը ստեղծվել է 2005թ.: 2011թ-ին բանավեճի մշակույթ զարգացնելու համար արժանացել է Երևանի մամուլի ակումբի ամենամյա մրցանակին:
Պարբերականությունը՝ ամեն հինգշաբթի, ժամը 21:55-ին
Կրկնությունը՝ ուրբաթ, ժամը 13:00-ին, կիրակի, ժամը 15:15-ին
 |
Ինչու են պատերազմն ու պարտությունը անխուսափելիՊատերազմից հետո քաղաքական իշխանության գլխամասային նարատիվն այն է, որ Հայաստանի հետ տեղի ունեցող իրադարձություններն անխուսափելի են։ Օրինակ՝ անկլավների հանձնումն անխուսափելի է, որովհետեւ հայկական կողմը թույլ է։ Այդ թուլությունը իշխանությունը ներկայացնում է որպես օբյեկտիվ իրականություն, սակայն իրականում դա ռեսուրսների վատ կառավարման ու սխալ տնօրինման հետեւանք է։ Իրավիճակը փոխելու մի ելք կա՝ արդյունավետ կառավարում։ Աննա Սարգսյանը «Զանգի» ընկերության հիմնադիր տնօրեն Վահրամ Մարտիրոսյանի հետ քննարկել է Հայաստանի շուրջ ստեղծված բարդ իրավիճակն ու դրանից դուրս գալու հնարավորությունները։ |
 |
Ինչպես են արցախցիներն ապրում ՀայաստանումՀետազոտական ռեսուրսների կովկասյան կենտրոնն իրականացրել և հրապարակել է ուսումնասիրություն՝ բռնի տեղահանված արցախցիների ինտեգրման վերաբերյալ: Հատկանշական է, որ մեր հայրենակիցները Հայաստանում հայտնվել են «ծանոթ օտար»-ի կարգավիճակում։ Աննա Սարգսյանը թեման քննարկել է ուսումնասիրության հեղինակներ Լիլիթ Եզեկյանի և Մարիամ Բաբայանի հետ, որը նույնպես տեղահանվել է Արցախից 2020թ.-ի պատերազմից հետո: |
 |
Ժողովուրդը և կառավարիչները44-օրյա պատերազմից հետո հասարակությունը ինքն իրեն չի կարողանում վերագտնել։ Պարտությունը, իշխանության զիջողական քաղաքականությունը, դիմադրողականության բացակայությունը բերել է հասարակական ապատիայի։ Հասարակությունը կորցրել է հավատն իր ռեսուրսների նկատմամբ, ինչի հետեւանքով պարտության հետեւանքներն ավելի կործանարար են։ Երբ կորցնում ես հավատը, արդեն պարտված ես։ Ինչպե՞ս ոտքի կանգնել և հաղթահարել պարտվածի հոգեբանությունը, ինչպե՞ս հաղթահարել պառակտումը։ Աննա Սարգսյանը թեման քննարկել է հոգեբան Դավիթ Հայրապետյանի հետ: |
 |
Իրավազուրկ չենք, բայց վտանգված ենքԼույս է տեսել «Արցախ. վտանգված ժառանգություն» եռալեզու պատկերագիրքը, որը ներառում է 44-օրյա պատերազմի հետևանքով Ադրբեջանի բռնազավթած տարածքներում մնացած հայկական պատմաճարտարապետական ժառանգությունը։ Ադրբեջանը հիմա պետական մակարդակով՝ ծրագրված, ոչնչացնում է հայկական հետքը։ Բավարա՞ր է օգտագործվում գիտնականների աշխատանքը հայ ժողովրդի մշակութային և քաղաքական իրավունքների պաշտպանության գործում՝ ընդդեմ ադրբեջանական հանցագործությունների: Աննա Սարգսյանը թեման քննարկել է Հայկական ճարտարապետությունն ուսումնասիրող հիմնադրամի փոխտնօրեն Րաֆֆի Քորթոշյանի հետ: |
 |
Թույլ չենք, բայց չենք գիտակցում մեր ուժըԵթե Հայաստանը շարունակի բավարարել Ադրբեջանի պահանջները, ապա շատ արագ ինքնալուծարվելու է, ինչպես Լեռնային Ղարաբաղի Հանրապետությունը: Ինչու՞: Չէ՞ որ մեզ առաջարկվում է խաղաղություն, համագործակցություն, բարեկեցություն: Աննա Սարգսյանը թեման քննարկել է քաղաքագետ Սարո Սարոյանի հետ: |
 |
Վախեցած չենք, այլ՝ ապակողմնորոշվածՈւ՞ր է մեր մտավորականությունն այսօր հարցը պարզ պատասխան ունի՝ այնտեղ, որտեղ նրան ուղարկել ենք՝ արվարձան ու «Վերնիսաժ»: Ի՞նչ հասարակություն ենք մենք այսօր: Վախի՞ ազդեցության տակ ենք, թե՞ պարզապես չենք կողմնորոշվում՝ ի՞նչ անել, ի՞նչ պետություն կառուցել: Ի՞նչ է փոխել Արցախյան կոնֆլիկտը մեր ազգային վարքագծում: Աննա Սարգսյանը թեման քննարկել է ԵՊՀ պրոֆեսոր, սոցիոլոգ, քաղաքագետ Արթուր Աթանեսյանի հետ: |
 |
Մերկ դիվանագիտությունԵրկիրը հայտնվել է ազգայինի, պետության, լեգիտիմության և քաղաքական ինքնության բարդ տուրբուլենտության գոտում։ Քաղաքական այս թեմաների դիապազոնն այնքան լայն է ու բազմազան, որ տպավորություն է, թե իսթեբլիշմենտը հասարակությանը հատուկ է ներքաշում այս հարապտույտ խոսակցության մեջ։ Սա այնքան վտանգավոր գործընթաց է, որ արդյունքում կարող է լինել Հայաստանի Հանրապետություն, բայց ոչ հայկական պետություն: Ինչպե՞ս ոտքի կանգնել և քայլել սեփական դրոշի տակ: Աննա Սարգսյանը թեման քննարկել է արտակարգ և լիազոր դեսպան Ռուբեն Կարապետյանի հետ |
 |
Ինչու՞ է Հայաստանը խնդրականացնում իր գոյությունըՄեր ամենօրյա թեժ լուրերում արդեն բավական ժամանակ է՝ կայուն տեղ ունեն պետություն և հայրենիք բառերը, բայց մշտապես հարցական նշանով: Ինչու՞ է Հայաստանի Հանրապետության պետական պաշտոնյան հարցականի տակ դնում պետության գոյության իմաստը: Եթե պատճառը պատերազմում կրած պարտությունն է, ապա դա պիտի անի հակառակորդը: Քննարկում ենք արտակարգ և լիազոր դեսպան Վահագն Մելիքյանի հետ: Զրույցը վարում է Աննա Սարգսյանը: |
 |
Հայաստանի՞, թե՞ հայոց պատմություն. իրավաքաղաքական մտքի ճգնաժամըԻրավական ակտերի նախագծերի հրապարակման միասնական կայքում՝ (e-draft.am) Կառավարությունը քննարկման և քվեարկության համար տեղադրել է որոշման մի նախագիծ, որով առաջարկում միջնակարգ կրթության 7-րդ դասարանում պարտադիր դասավանդվող «Հայոց պատմություն» առարկայի անվանումը դարձնել «Հայաստանի պատմություն»: Ի՞նչ իրավաքաղաքական դրդապատճառներ կան դրա համար և ինչի՞ կարող են դրանք հանգեցնել: Քննարկում ենք իրավաբանական գիտությունների թեկնածու Վահե Թորոսյանի հետ: Զրույցը վարում է Աննա Սարգսյանը: |
 |
2023 թվականը «Երրորդ հազարամյակի» տաղավարումԱզգային, պետական կյանքի արդիական խնդիրները 2023թ. ընթացքում քննարկվել են 40-ից ավելի փորձագետների, միջազգային իրավունքի և միջազգային հարաբերությունների մասնագետների, քաղաքագետների, հոգևորականների ու ազգագրագետների հետ։ Զրույցներն ամփոփվել են մեկ տեսանյութում: |
 |
Չթաքնվել «էթնիկ զտում» եզրույթի հետևումԻ՞նչ է էթնիկ զտումը: Արդյո՞ք Արցախի հայաթափումից հետո մենք հանձնառու ենք ևս մի ցեղասպանության միջազգային ճանաչման պայքարի: Եվ, ամենակարևորը, հայության մեկ հատվածի «էթնիկ զտումը» ավարտվա՞ծ հանցագործություն է, թե՞ ցեղասպանական գործողություն, որի ցավալի շարունակությունը հնարավոր է կանխել։ Մեր զրուցակիցը ցեղասպանագետ Սուրեն Մանուկյանն է։ Զրույցը վարում է Աննա Սարգսյանը: |
 |
Չեղարկվա՞ծ է արցախցիների ինքնորոշման իրավունքի հարցըԻ՞նչ լեզվով պիտի խոսել աշխարհի հետ Արցախի ինքնորոշման իրավունքի և արցախցիների քաղաքական իրավունքների պաշտպանության մասին: Ե՞րբ և ինչպե՞ս պետք է սկսել իրավական պահանջատիրության գործընթացը: Քննարկում ենք ՀՀ Սահմանադրական դատարանի և Մարդու իրավունքների եվրոպական դատարանի նախկին դատավոր Ալվինա Գյուլումյանի հետ: Զրույցը վարում է Աննա Սարգսյանը: |
