Մեր գրադարակը 2025 թվականին


Տարեսկզբին ընթերցասերներից շատերը դասավորում են գրադարակները և ծրագրում, թե ինչ պետք է կարդան նոր տարվա ընթացքում: «Զուգահեռ ընթերցումներ» հաղորդման շրջանակում գրականագետներ Հայկ Համբարձումյանը և Արքմենիկ Նիկողոսյանը ներկայացնում են հայ գրողների տարվա սպասվող հոբելյանները, խորհուրդ տալիս, թե նրանց որ գործերից պետք է սկսել կարդալ և ինչու։

Սուրբ Ծնունդը Գրիգոր Նարեկացու Գանձարանում


Սուրբ Գրիգոր Նարեկացու գանձերում և տաղերում իր ինքնահատուկ գեղարվեստական իրացումն է գտնում Սուրբ Ծննդի թեման: Հայոց հոգևոր բանաստեղծության ավանդական պատկերները Գրիգոր Նարեկացու գործերում համալրվում են արտահայտության նոր ու բազմազան գծերով ու երանգներով: Միջնադարյան հանճարի ստեղծագործության մեջ Սուրբ Ծննդի թեմայով գործերը քննարկում են գրականագետներ Հայկ Համբարձումյանը և Արքմենիկ Նիկողոսյանը։

Գրական տարին «Զուգահեռ ընթերցումներում»


2024 թ․ ընթացքում յուրաքանչյուր շաբաթ «Զուգահեռ ընթերցումներ» հաղորդմանը ծավալվել են գրականագիտական ու ընթերցողական զրույցներ գրական ամենատարբեր ստեծագործությունների, գրականության տեսության ու պատմության խնդիրների մասին, եղել են անդրադարձել հոբելյաններին ու կարևոր իրադարձություններին։ Անցնող գրական տարին ու դրա անդրադարձները քննարկում են գրականագետներ Հայկ Համբարձումյանը և Արքմենիկ Նիկողոսյանը։

Մեկ պատմվածքի շուրջ. Օ.Հենրի, «Մոգերի ընծաները»


Սուրբ Ծնունդն ու այս լուսավոր տոնի խորհուրդները իրենց գեղարվեստական արտահայտությունն են գտել հայ ու համաշխարհային գրականության գործերում, սակայն կա մի պատմվածք, որտեղ տոնի հոգևոր նշանակությունը արտահայտվում է յուրահատուկ կերպով։ Օ. Հենրիի «Մոգերի ընծաները» հայտնի պատմվածքը քննարկում են գրականագետներ Հայկ Համբարձումյանը և Արքմենիկ Նիկողոսյանը։

Կինոն ընդդեմ գրականության. մաս 2-րդ


Արդյո՞ք գրականության անհաջող էկրանավորումները վնասում են գրականությանը, ինչպե՞ս և ի՞նչ սկզբունքներով է գնահատվում էկրանավորումը և ի՞նչ է տալիս այն գրականությանը: Այս հարցերը զուգահեռ քննարկում են գրականագետներ Հայկ Համբարձումյանը, Արքմենիկ Նիկողոսյանը և կինոգետ Կարեն Ավետիսյանը։

Կինոն հանուն գրականության. մաս 1-ին


Գեղարվեստական գրականության ու կինոյի ամենաբազմազան, ստեղծաբանական կապերն ու հարաբերությունների ուշագրավ դրսևորումներից են էկրանավորումները։ Արդյո՞ք հայտնի գրական գործերի էկրանավորումները հանուն գրականությա՞ն են արվում, նպաստո՞ւմ են գրականության նորովի ընթերցմանն ու ճանաչմանը, խթանո՞ւմ են ընթերցանությունը, թե՞, այդուհանդերձ, կինոն իր խնդիրներն է լուծում։ Թեման զուգահեռ քննարկում են գրականագետներ Հայկ Համբարձումյանը, Արքմենիկ Նիկողոսյանը և կինոգետ Կարեն Ավետիսյանը։

Դանիել Վարուժան, «Հացին երգը»


Դանիել Վարուժանի վերջին՝ հրաշքով փրկված ու hետմահու հրատարակված «Հացին երգը» նշանավոր շարքը ներկայացնում է հացի արարման ընթացքը՝ սկսած սերմնացանից, մինչ հացի պատրաստում: Այս բանաստեղծական շարքը գաղափարական ու հոգեբանական հզոր լիցքեր ու կարևոր նպատակներ ունի: «Զուգահեռ ընթերցումներ» հաղորդմանը Դ. Վարուժանի «Հացին երգը» շարքը քննարկում են գրականագետներ Հայկ Համբարձումյանն ու Արքմենիկ Նիկողոսյանը:

Մեկ պատմվածքի շուրջ, Ստեփան Զորյան, «Ցանկապատ»


Նշանավոր արձակագրի թերևս ամենահայտնի պատմվածքը՝ «Ցանկապատ»-ը առաջին հայացքից պատմում է մի կենցաղային պարզ վեճի մասին, որը խաթարում է մարդկանց հարաբերությունները, ազդում նրանց ներաշխարհի ու հոգեբանության վրա: Այս պարզ պատմությունը սակայն, ավելի խորքային վերլուծությունների հնարավորություն է տալիս: Ստեփան Զորյանի «Ցանկապատ» պատմվածքը «Զուգահեռ ընթերցումներ» հաղորդմանը քննարկում են գրականագետներ Հայկ Համբարձումյանն ու Արքմենիկ Նիկողոսյանը:

Պատմության կտրված թելն ու սագաները


Ընտանեկան սագաների ստեղծման համար անհրաժեշտ պայման է հաջորդական մի քանի սերնդի առկայություն: Կարևոր է նաև բնակության նույն վայրը: Հայոց պատմությունն իր ողբերգական ընթացքով կարծես վեպի ժանրային այս տեսակի զարգացման հնարավորություն չի տվել: Ընտանեկան սագաները հայոց պատմության համատեքստում «Զուգահեռ ընթերցումներ» հաղորդմանը քննարկում են գրականագետներ Հայկ Համբարձումյանն ու Արքմենիկ Նիկողոսյանը:

Հայ գրականության ընտանեկան սագաները


Համաշխարհային գրականության մեջ ընտանեկան սագան, որպես վեպի ներժանրային ձև, բավական հայտնի է ու տարածված, և այնպիսի գլուխգործոցներ, ինչպիսիք են Թոմաս Մանի «Բուտենբրոոկները» կամ Էմիլի Բրոնթեի «Մոլեգին հողմերի դարավանդը» հենց այդպիսի իրացումներ են: Բայց և փաստ է, որ ոչ բոլոր ժողովուրդների գրականությանն է բնորոշ ընտանեկան սագան: Ո՞րն է այդ ժանրաձևի յուրահատկությունը, հայ գրականության մեջ ունե՞նք ընտանեկան սագաներ: «Զուգահեռ ընթերցումներ» հաղորդմանը քննարկում են գրականագետներ Հայկ Համբարձումյանն ու Արքմենիկ Նիկողոսյանը:

Ազնավուրը հուշագիր ու նովելագիր


Շառլ Ազնավուրը հեղինակել է ուշագրավ հուշեր, ինքնակենսագրություններ, նույնիսկ պատմվածքներ ու վեպ: Ի՞նչ առանձհատակություն ունի նրա հրատարակված արձակը։ «Զուգահեռ ընթերցումներ» հաղորդմանը քննարկում են գրականագետներ Հայկ Համբարձումյանն ու Արքմենիկ Նիկողոսյանը

Բանաստեղծ Ազնավուրը


Շառլ Ազնավուրի նշանավոր երգերի խոսքերը մենք առանց մեղեդու ուղեկցության չենք պատկերացնում, սակայն Ազնավուրի հարյուրավոր երգերի խոսքեր կարելի է ընթերցել նաև որպես բանաստեղծություն: Կարող ենք արդյո՞ք խոսել Ազնավուր բանաստեղծի մասին և ի՞նչ առանձնահատկություններ ունեն այդ բանաստեղծությունները: «Զուգահեռ ընթերցումներ» հաղորդմանը այս հարցերը քննարկում են գրականագետներ Հայկ Համբարձումյանն ու Արքմենիկ Նիկողոսյանը: