 |
Կարգալույծ հռչակված Արման Սարոյանը ապրիլի 1-ի դրությամբ Մայր Աթոռի հաշվից 15 միլիոն դրամ է հանելԿարգալույծ հոգևորական Արման Սարոյանը շարունակում է տնօրինել Մայր Աթոռի ֆինանսական միջոցները: Ապրիլի 1-ի դրությամբ ավելի քան տասնհինգ միլիոն դրամ է նա այդ հաշիվներից դուրս հանել, և կասկած կա, որ այդ հաշիվները նա վատնել է: Նա կարգալույծ հռչակվելուց և թեմի առաջնորդի պաշտոնից հեռացվելուց հետո դիմել է դատարան՝ վիճարկելով Ամենայն Հայոց Կաթողիկոսի տնօրինությունը: Արդեն չորս ամիս է՝ իրավապահ համակարգի կողմից տարբեր բռնաճնշումների են ենթարկվում Մասյացոտնի թեմի առաջնորդն ու հոգևորականները: Հայր Ռուբենը Հարկադիր կատարումն ապահովող ծառայությունից պարբերաբար ծանուցումներ է ստանում, որոնց պահանջները չկատարելու դեպքում սպառնում են քրեական պատասխանատվության ենթարկել: Վարդապետն արդեն հրավիրվել է Քննչական կոմիտե և հարցաքննվել որպես վկա: |
 |
Ամենայն Հայոց Կաթողիկոսն այցելել է ազգային բարերար Սամվել ԿարապետյանինԱպօրինաբար տնային կալանքի տակ գտնվող Սամվել Կարապետյանին Նորին Սրբությունը մաղթել է տոկունությամբ ու հավատով դիմագրավել առկա դժվարություններն ու փորձությունները։ Ամենայն Հայոց Կաթողիկոսը վստահություն է հայտնել, որ հակառակ այս նեղությունների Սամվել Կարապետյանը հուսառատությամբ, հայրենասեր ու եկեղեցասեր իրեն բնորոշ ոգով պիտի շարունակի ազգօգուտ իր ծանրակշիռ ներդրումը բերել հանուն հայրենիքի և աշխարհասփյուռ հայոց կյանքի պայծառության։ |
 |
ՔՊ կուսակցության նախընտրական ծրագրում հակաեկեղեցական դրույթները հակամարդկային ենՓաստաբան Հովհաննես Խուդոյանը կարծում է, որ չարժի լուրջ վերաբերվել Քաղաքացիական Պայմանագիր կուսակցության նախընտրական ծրագրի Եկեղեցու վերաբերյալ դրույթներին, որովհետև նրանք ընտրվում են մի ծրագրով, բայց հակառակն են անում։ Փաստաբան Էմիլ Խաչատրյանի համոզմամբ նախընտրական ծրագրում եկեղեցու վերաբերյալ դրույթները ոչ միայն հակասահմանադրական են, այլև հակամարդկային ու հակահայկական։ |
 |
Սրբազան պայքարի գործով նիստին պաշտպանները խորհրդարանի ելույթները համարել են ակնհայտ կեղծիքԴատական նիստին Բագրատ Սրբազանը հայտարարել է, որ այս շաբաթ խորհրդարանում բարձրաստիճան պաշտոնյաները անտեսել են անմեղության կանխավարկածը, անհարգալից վերաբերմունք են ցուցաբերել դատարանի և ամբողջ իրավական համակարգի հանդեպ: Պաշտպանական կողմը պնդել է, որ այս գործով դատավորն ունի կանխակալ վերաբերմունք և հստակ գիտի թե ինչ որոշում է կայացնելու։ |
 |
Դատարանը վերացրել է Ներսիսյանների տնային կալանքը՝ թողնելով գրավն ու վարչական հսկողությունըՄեղադրող դատախազը միջնորդել է ևս երեք ամսով երկարաձգել Ամենայն Հայոց Կաթողիկոս Գարեգին Բ-ի եղբոր՝ Գևորգ Ներսիսյանի և նրա որդու՝ Համբարձում Ներսիսյանների տնային կալանքը, սակայն փաստաբանը առարկել է, որովհետև գործն արդեն ավարտական փուլում է, բոլոր ապացույցներն ու հիմնական վկաների ցուցմունքները հետազոտվել են: Ներսիսյանները արդեն յոթ ամիս անազատության մեջ են: Պաշտպանական կողմը պնդում է, որ նրանց ձերբակալությունը քաղաքական հետապնդում է։ |
 |
Մոնտաժված խոսակցություններով իրավապահները փորձում են մոլորեցնել հանրությանը․ Պաշտպան«Սրբազան պայքարի» գործով պաշտպանները դատարանում հայտարարել են, որ տեղի է ունենում քաղաքական հետապնդում՝ անձանց քաղաքացիական և հասարակական վարքի, ինչպես նաև պետական կարևորության հարցերում սեփական իրավունքներն իրացնելու պատճառով: Շուրջ մեկ ժամ տևած ելույթում Խուդոյանն ամփոփել է՝ դատական քննությամբ ապացուցվելու է, որ գործը շինծու է և հանդիսանում է քաղաքական պատվեր։ |
 |
Հայկական մանրանկարչությունը ժամանակակից մատուցմամբ. հանդիպում-զրույց «Ֆենիքս» գրախանութումՀանդիպման առանցքում «Տեառնընդառաջ» և «Մուտք Երուսաղեմ» տերունական պատկերների հիման վրա ստեղծված փազլների շնորհանդեսն էր։ Դրանց նպատակն է երեխաներին վաղ տարիքից հաղորդակից դարձնել հայկական հոգևոր մշակույթին և այն հարուստ գանձարանին, որի կրողն ու ժառանգորդը պետք է դառնան: Առաջիկայում շարքը կհամալրվի նաև Սուրբ Հարության թեմայով մանրանկարչական փազլով: |
 |
Դատարանը պարտավորեցրել է քրեական վարույթ նախաձեռնել Մայր Աթոռում տեղի ունեցած միջադեպի գործովՓաստաբան Արա Զոհրաբյանը տեղեկացրել է, որ դատարանը պարտավորեցրել է քննչական մարմնին քրեական վարույթ նախաձեռնել դեկտեմբերի 18-ին հակաեկեղեցական արշավի շրջանակում Մայր Աթոռում տեղի ունեցած միջադեպի առնչությամբ: Դեկտեմբերի 17-ին Նիկոլ Փաշինյանի հետ հանդիպած եպիսկոպոսները քաղաքացիներին կոչ էին արել հաջորդ օրը հավաքվել Մայր Աթոռում և պահանջել Ամենայն Հայոց Կաթողիկոսի հրաժարականը: Դեկտեմբերի 18-ին հակաեկեղեցական արշավի մասնակիցները Մայր Տաճարի մոտ դրսևորել էին խուլիգանական վարքագիծ: Թեև փաստի առթիվ հաղորդում էր ներկայացվել, սակայն քննչական մարմինը որոշել էր վարույթ չնախաձեռնել, ինչին կողմ էր արտահայտվել նաև դատախազությունը: |
 |
Հարություն Մարությանի «Ոգեկոչելով Հայոց ցեղասպանությունը» մենագրությունը թարգմանվել է հայերենՊատմական գիտությունների դոկտոր, ազգագրագետ Հարություն Մարությանի մենագրությունը ինը տարիների հետազոտական պրպտումների արդյունքն է: Հեղինակը ներկայացնում է Հայոց ցեղասպանության կոլեկտիվ հիշողության և պատմական տրավմայի հաղթահարման մեխանիզմները, Մեծ եղեռնի հիշատակության արարողությունների ժամանակագրությունն ու աշխարհագրությունը: Թեմաներից շատերին հեղինակը տարբեր հարթակներում ու գիտական հանդեսներում անդրադարձել է հոդվածներով: Հարություն Մարությանի «Ոգեկոչելով Հայոց ցեղասպանությունը» մենագրությունը լույս է տեսել անգլերենով, այժմ ընթերցողի սեղանին է նաև հայերեն հրատարակությունը: |
 |
Երիտթուրքական կառավարությունը երեխաներին բռնի ձուլման քաղաքականություն է իրականացրելՆրանց նպատակն էր ոչնչացնել հայկական ինքնությունը ոչ միայն ֆիզիկական բնաջնջման, այլև դավանանքն ու ազգությունը փոխելու, մշակութային ժառանգությունը ոչնչացնելու ճանապարհով։ Օսմանյան կայսրության ներքին գործերի նախարար Թալեաթ փաշայի հրամանով որբացած հայ երեխաները պետք է բաժանվեին մուսուլմանական ընտանիքներին այն բնակավայրերում, որտեղ հայկական տարրը բացակայում էր։ |
 |
Բագրատ Սրբազանը կմնա անազատության մեջ. դատարանը երկարաձգել է կալանքի ժամկետըԴատարանը որոշել է երկու ամսով երկարաձգել Բագրատ Սրբազանի խափանման միջոցը։ Փաստաբան Տաթևիկ Սողոյանը հայտարարել է, որ սա իշխանությունների պատասխանն է 2024-ին մեկնարկած զանգվածային խաղաղ հավաքներին: Պաշտպան Հովհաննես Խուդոյանը նկատել է, որ գործում չկա որևէ տվյալ, որը կփաստի Բագրատ Սրբազանի կամ մյուս մեղադրյալների արարքների հակաօրինական լինելը կամ կմատնանշի որևէ գործողություն, որի արդյունքում կարող էր տուժել որևէ անձ: Բագրատ Սրբազանը շուրջ ինն ամիս է գտնվում է անազատության մեջ: |
 |
Մայր Աթոռը կոչ է արել Հայաստանի կառավարությանը կանխել Արցախի հոգևոր ժառանգության ոչնչացումըՄայր Աթոռը խստորեն դատապարտում է Ադրբեջանի իշխանությունների կողմից իրականացվող Արցախի հոգևոր և մշակութային ժառանգության հետևողական ոչնչացումը։ Ադրբեջանի իշխանությունները հողին են հավասարեցրել Ստեփանակերտ քաղաքի Սուրբ Հակոբ եկեղեցին և հարակից տարածքում գտնվող խաչքարերն ու կոթողները, որոնք ըստ ադրբեջանական աղբյուրների իբրև թե անօրինական և ապամոնտաժման ենթակա կառույցներ էին: Մայր Աթոռը խիստ մտահոգիչ է համարել նաև Ստեփանակերտի Առաջնորդանիստ Սուրբ Աստվածածին մայր տաճարի ոչնչացման վերաբերյալ ստացվող տեղեկությունները։ Սուրբ Էջմիածինը կոչ է անում Հայաստանի կառավարության ղեկավարին հրատապ ու գործուն քայլեր ձեռնարկել՝ կանխելու Արցախի հոգևոր և մշակութային ժառանգության համակարգված յուրացումն ու ոչնչացումը։ |