Օպերատոր Վռամ Խանամիրյան

գյուղ Դվին

Այս անգամ «Հողը չի սպասում» հաղորդաշարը հյուրընկալվել է Դվին գյուղում, ֆերմեր Գեղամի հետ մասնակցել դեղձի բերքահավաքին, պարզել՝ ինչպե՞ս առատ բերք ունենալ, ի՞նչ եղանակով ջրել տանձի և դեղձի ծառերը: Ապա՝ մեկ այլ գյուղատնտեսի՝ Արթուրի հողատարածքում լոլիկին սպառնացող ցեցերից պաշտպանվելու խորհուրդներ լսել:

գյուղ Հովտաշատ

Ինչպե՞ս ճիշտ մշակել բամիան, ինչպե՞ս քաղել, ե՞րբ ջրել՝ առատ բերք ստանալու համար: Հովտաշատ գյուղում, ձմերուկի դաշտում, նույնպես բերքահավաք է: Իսկ ե՞րբ է ձմերուկը հասած համարվում, ե՞րբ և ինչպես այն քաղել: Խորհուդրներ են տալիս հողի մշակները:

Վարք Ավետիք Իսահակյանի

Հայ մեծ բանաստեղծ Ավետիք Իսահակյանը փոթորկուն կյանք է ունեցել. մասնակցել է հեղափոխական շարժումների, բանտարկվել, ապրել տարագրության մեջ, ապա վերադարձել հայրենիք, ակտիվորեն մասնակցել գրական-հասարակական կյանքին: Ինչպե՞ս են մեկ անհատի մեջ մեկտեղվում ակտիվ հասարակական գործիչն ու քնարական բանաստեղծը, որո՞նք են Ավ. Իսահակյանի կյանքի ու ստեղծագործության առանցքային դրվագները: Ավետիք Իսահակյանի վարքը զուգահեռ ընթերցում են գրականագետներ Հայկ Համբարձումյանն ու Արքմենիկ Նիկողոսյանը։

Մեզ հյուրընկալվել է Սերժ Ավետիքյանը

Հաջողություն ունենալով ֆրանսիական կինոյում՝ ինչու՞ Սերժ Ավետիքյանը որոշեց իր արվեստի գլխավոր թեման դարձնել Հայաստանն ու հային: Ավետիքյանի նախաձեռնությամբ թատերական ի՞նչ նախագիծ է մեկնարկում Երաևանում, ինչպե՞ս անցան «Վերադարձ դեպի Սոլոզ» ֆիլմի նկարահանումները Թուրքիայում: «Արտֆոկուս»-ի տաղավարում է դերասան, ռեժիսոր, սցենարիստ, պրոդյուսեր Սերժ Ավետիքյանը: Զրույցը վարում է Անահիտ Մարգրայանը: 

Հաջորդիվ՝ մշակութային լրահոս։

Տուրբուլենտ տարածաշրջանը և մեր փնտրվող ղեկը

44-օրյա աղետից հետո Հայաստանում կտրուկ ակտիվանում է Իրանը, իսկ ապա՝ Հնդկաստանը: Դրան զուգահեռ, տարածաշրջանում ակտիվությունը չեն թուլացնում մշտական խաղացողները: Սա քաղաքագիտական հետաքրքիր կոմբինացիայի վերլուծության նյութ կլիներ, եթե խոսքը չվերաբերեր մեր կենսական շահերին: Ի՞նչ է կատարվում տարածաշրջանում, ի՞նչ դերակատարաություն ունենք մենք՝ մեր շուրջը ծավալվող խոշոր գործընթացներում: Թեման քննարկում են քաղաքագետ Ալեն Ղևոնդյանը և իրանագետ Ահարոն Վարդանյանը: Զրույցը վարում է Աննա Սարգսյանը:

Կրթության և գիտության նոր ռազմավարություն. մաս 38-րդ

Գիտության և կրթության նոր ռազմավարությունը քննարկում ենք կրթության փորձագետ Աննա Գևորգյանի հետ:

Կեչառիս վանական համալիր

Հայկական սրբավայրերը` Կեչառիս:

Սարկավագական ձեռնադրություն Երևանի Սուրբ Գրիգոր Լուսավորիչ եկեղեցում

Սուրբ Թարգմանիչների տոնի օրը Գևորգյան հոգևոր ճեմարանի 6-րդ լսարանի 25 սան սարկավագության աստիճան ստացավ։

Աղթամարի Սուրբ Խաչ եկեղեցուն նվիրված նոր հրատարակություն և ցուցադրություն

Եվրոպական «Բրիլլ» ակադեմիական հրատարակչատունը լույս է ընծայել «Աղթամարի սուրբ Խաչ» գիրքը` անգլերեն լեզվով: Հատորում ներառված են 2014թ.-ին Փարիզում կազմակերպված միջազգային գիտաժողովի նյութերը՝ նվիրված Սուրբ Խաչի կառուցման 1100-ամյակին։

Երևանում հնչեց Բախի «Չարչարանքներ ըստ Մատթեոսի» հոգևոր օրատրիան

Երևանում էր գերմանացի անվանի տենոր, Բախի արվեստի մեծ գիտակ Մարտին Փեթցոլդը: «Արտֆոկուս»-ի տաղավարում նա խոսում է Բախագիտության միջազգային համայնքի վերջին բացահայտումների, Բախի արվեստում քողարկված գաղտնիքների ու սիմվոլների, հանճարի երաժշտության կատարողական առանձնահատկությունների և կենարար ուժի մասին: Զրույցը վարում է Անահիտ Մարգարյանը: Հաջորդիվ՝ մշակութային լրահոս։