Հիմնանորոգվում է ԶՈւ հոգևոր առաջնորդության Սուրբ Աստվածածին առաջնորդանիստ եկեղեցին


Զինված ուժերի հոգևոր առաջնորդության Սուրբ Աստվածածին առաջնորդանիստ եկեղեցում այս օրերին ընթանում են շինարարական լայնածավալ աշխատանքներ: Մայր Աթոռի ճարտարապետական բաժինը պետական կառույցների հետ քննարկել է աշխատանքի ծավալն ու անելիքները: Ամբողջությամբ կնորոգվի եկեղեցու տանիքը, կկատարվեն հիմքի և պատերի ամրակայման աշխատանքներ, որից հետո կանցնեն ներքին հարդարման աշխատանքներին:

 

Տեսնեմ Անին ու նոր մեռնեմ, մաս 1


Բագրատունյաց Հայաստանի նշանավոր մայրաքաղաք Անին ամենատարբեր ձևերով ներկայացվել է հայ գրականության մեջ։ Հայ գրականության «Անիական» բնագրերը «Զուգահեռ ընթերցումներ» հաղորդման շրջանակում քննարկում են գրականագետներ Հայկ Համբարձումյանը և Արքմենիկ Նիկողոսյանը։

Կրթության և գիտության նոր ռազմավարություն. մաս 196-րդ


«Մի անգամ դպրոցում» ֆիլմի սցենարի հեղինակ և դպրոցականների «Իմ իսկական հերոսը» շարադրությունների համահայաստանյան մրցույթի ժյուրիի անդամ Նարեկ Ավագյանի հետ Հովհաննես Երանյանը քննարկել է կինոնկարի պատգամներն ու մրցույթի հաղթողների պատկերացումները հերոսի և հերոսության վերաբերյալ։

Սերգեյ Համբարձումյանը 44-օրյա պատերազմից հետո


44-օրյա պատերազմի մասնակից Սերգեյ Համբարձումյանը ծանր վիրավորվելուց հետո դեռեւս կիթառ չի նվագում, չնայած երաժշտությունը նրա տարերքն է։ Ձախ ձեռքը անաշխատունակ է դարձել։ Նա ծանր վիրավորվել է Մարտունու շրջանի Քերթ գյուղում՝ ՈւԱԶ-ի մեջ, որտեղ գտնվող 29 հոգուց 27-ը զոհվել է։ Սերգեյի մարմնում հայտնված մի քանի տասնյակ բեկորներից մեկը վնասել է գլուխը։ Տասներեք վիրահատություն է տարել և երկար ժամանակ վերականգնողական բուժում ստացել Զինվորի տանը, որտեղ էլ 2022-ի փետրվարին հանդիպել ու ամուսնացել Սոնայի հետ։

Քահանաների վերապատրաստման դասընթացը հետաքրքրություն է առաջացրել քահանաների և դասախոսների մոտ


Ամեն ամիս Հայաստանի և սփյուռքի թեմերից մոտ 25 քահանա երեք շաբաթով գալիս է Մայր Աթոռ, ապրում վանքում, մասնակցում դասընթացներին և տարբեր արարողությունների: Մոտ 20 աշխարհիկ և հոգևոր դասախոսներ են ներգրավված վերապատրաստման ծրագրին: Քահանա հայրերի համար միմյանց հետ շփվելու, փորձով, գիտելիքով ու խնդիրներով կիսվելու լավ առիթ է: Սա համայնքային առօրյայից կտրվելու, առաձնության մեջ աղոթելու, վերալիցքավորվելու առիթ է:

 

Պահքը հնարավորություն է տալիս կենտրոնանալու կյանքի ընթացքի վրա․ Տեր Վահրամ քահանա Մելիքյան


Տեր Վահրամ քահանա Մելիքյանը համարում է, որ պահքը ունի առանձնահատուկ նշանակություն։ Այն առիթ է ընձեռում ինքնասևեռվելու, կենտրոնանալու իր կյանքի ընթացքի վրա։ Ըստ նրա՝ հոգևորականը բացի իր առօրյա շփումներից մեծ պատասխանատվություն է կրում Աստծո և ժողովրդի առաջ, ունի բազում այցելուներ, որոնք դիմում են խնդիրներով, ցավերով։ Նա կարծում է, որ հոգևորականը նույնպես կարիք ունի այդ ամենի միջով անցնելու և կարողանալու ճիշտ ներքին դիրքորոշումներ, կեցվածքներ ընդունելու։

 

Մեծ Պահքի ընթացքում շատ եկեղեցիներում կատարվում է խաչալվայի արարողություն


Երևանի Սուրբ Աննա և Կաթողիկե Սուրբ Աստվածածին եկեղեցիներում ամեն հինգշաբթի երեկոյան ժամերգության ընթացքում կատարվում է նաև Խաչալվայի կամ Խաչահանգստի արարողություն: Աղոթքով և խաչին նվիրված շարականների երգասացությամբ՝ քահանան խաչով օրհնում է ջուրը՝ երկնային տիրոջից խնդրելով հոգևոր և մարմնավոր բժշկություն բոլոր նրանց համար, ովքեր կխմեն դրանից: Արարողության ժամանակ ընթերցվում է Եղիսե մարգարեի՝ աղտոտված ջուրը մաքրելու և այն մարդկանց ու կենդանիների համար ըմպելի դարձնելու մասին Հին Կտակարանյան պատմությունը:

Կրթության և գիտության նոր ռազմավարություն. մաս 195-րդ


«Չորս գագաթ» լեռնային ակումբի հիմնադիր նախագահ Նարինե Ճաղարյանի հետ Հովհաննես Երանյանը զրուցել է դպրոցականների համար արշավների ու լեռնագնացության կարևորության, հմտությունների ձեռքբերման, բնավորության կոփման, հայրենի բնությունն ու պատմական հուշարձանների ճանաչման նշանակության մասին։

Ղազարոս Աղայան գրողն ու մանկավարժը


Այս տարի լրանում է գրող, մանկավարժ, հրապարակախոս Ղազարոս Աղայանի 185֊ամյակը: «Զուգահեռ ընթերցումներ» հաղորդմանը գրողի գրական ու մանկավարժական գործունեությունը քննարկում են գրականագետներ Հայկ Համբարձումյանը և Արքմենիկ Նիկողոսյանը։

Մայր Աթոռն օգտագործում է իր հնարավորություններն ու լծակները գերիներին ազատ արձակման համար


ԱՄՆ արևելյան թեմի առաջնորդը դիմել է ԱՄՆ նախագահին՝ խնդրելով աջակցել հայ գերիների ազատ արձակմանը։ Նա տեղեկացրել է, որ Ադրբեջանում հայ գերիները ենթարկվում են անմարդկային վերաբերմունքի և խոշտանգումների։ Ֆրանսիայի թեմը ղպտի և ասորի Քույր եկեղեցիների առաջնորդներին հետ պատկան մարմիններից պահանջել են գերիների անհապաղ ազատում: Ավելի վաղ՝ նորեմբերին, Ամենայն հայոց Կաթողիկոսի կոչով Եկեղեցիների համաշխարհային խորհրդի կենտրոնակայանում` Ժնևում, տեղի է ունեցել միասնական աղոթք՝ հանուն խաղաղության, գերիների ազատ արձակման և բռնի տեղահանվածների աջակցության:

 

Ադրբեջանը փորձում է արդարացնել իր սանձազերծած ցեղասպանության անհերքելի փաստերը


Գերագույն հոգևոր խորհուրդը կոչ է արել Հայաստանի իշխանություններին, համահայկական և միջազգային կառույցներին մեկտեղել ջանքերը` ամեն գնով հայ գերիների և պատանդների նկատմամբ բռնությունները դադարեցնելու և նրանց ազատ արձակմանը հասնելու համար։ Խորհուրդը արձանագրել է, որ Միջազգային իրավունքի հիմնարար սկզբունքների բացահայտ խախտումներով ընթացող դատավարությունը ուղեկցվում է գերիների խոշտանգումով և անմարդկային վերաբերմունքով։ Թշնամին անթաքույց նպատակ է հետապնդում հիմնովին խեղաթյուրել Արցախի ժողովրդի ինքնորոշման իրավունքի իրացման պատմությունը՝ միտում ունենալով նվաստացնել հայ ժողովրդին ու հայոց պետությանը։

 

Հայ Եկեղեցու համաշխարհային երիտասարդական միավորումը պատրաստվում է հոբելյանական 25 ամյակին


ՀԵՀԵՄ կենտրոնական գրասենյակ պատրաստվում է կառույցի 25 ամյակին նվիրված համահայկական ուխտագնացությանը։ Կենտրոնական գրասենյակում քննարկել են գործընթացի կարևոր կետերը, հստակեցվել այն մեխանիզմները, որոնք ավելի արդյունավետ կդարձնեն աշխատանքների կազմակերպումը։ Դեպի հայրենիք և Սուրբ Էջմիածին 2025 թվականի համահայկական ուխտագնացությունը կրելու է «Հայ ընտանիքը հայոց ինքնության խարիսխ» խորագիրը։