Հեղինակ Մերի Հովսեփյան

Գևորգյան հոգևոր ճեմարանում բացվել է Հովհաննես Չիլինգիրյանի անվան գրադարան

Գևորգյան հոգևոր ճեմարանի կոմիտասյան սրահում կգործի Հովհաննես Չիլինգիրյանի անվան գրադարանը: Նախաձեռնությունը կյանքի կոչվեց մեծանուն հայորդու դուստրերի՝ Շամիր Ավագյան Չիլինգիրյանի և Անի Սրմաքեշ Չիլինգիրյանի օժանդակությամբ: Նորին Սրբությունը ամուսիններին շնորհել է հայ Եկեղեցու «Սուրբ Գրիգոր Լուսավորիչ» պատվո բարձրագույն շքանշան։

Տ. Անդրեաս քահանա Կարապետյան

Եկեղեցուց դուրս կարե՞լի է գլխաշոր կրել:
Ո՞վ է ուխտի ժողովուրդը:
Նորածնին կարե՞լի է մկրտել՝ չսպասելով 8 օրական դառնալուն:
Աղոթել կարե՞լի է մեղքերի համար հատուցում համարել:
Հանգուցյալին եկեղեցուց ճանապարհելու ավանդույթը երբվանի՞ց է ձևավորվել: Ինչպե՞ս է իրը սրբություն դառնում:
Հեռուստադիտողների և օգտատերերի հարցերին պատասխանել է Տ. Անդրեաս քահանա Կարապետյանը: Գրեք ձեր հարցերը «Հարց ու պատասխան» ֆեյսբուքյան էջին:

Ռուբեն Սևակ թանգարանը ներկայացրել է Երվանդ Քոչարի Սուրբ Մեսրոպ Մաշտոց դիմանկարը

Սուրբ Էջմիածնի գեղնակարչական հավաքածուի ցուցանմուշը կցուցադրվի մինչեւ նոյեմբերի 1-ը։ Փարիզից Երևան վերադառնալուց հետո Քոչարը հայ ականավոր գործիչներին նվիրված շարք է պատկերել, որոնցից մեկն էլ այս նկարն է։ 1962 թվականին նա իր ստեղծագործոթյունը նվիրել է Վազգեն Ա Ամենայն Հայոց կաթողիկոսին՝ գահակալության 7-րդ տարեդարձի առթիվ:

Դաշտավանի Սուրբ Աստվածածին եկեղեցու մոտ եկեղեցապատկան կիրակնօրյա դպրոց է բացվել

Հոգևորականները տնօրհնյաց կարգ են կատարել, օրհնել հարկի բարիքները, անդամներին և բարերաներին: Կիրակնօրյա դպրոցում կգործեն խմբակներ, կիրականացվեն երիտասարդաց միության հավաքներ, կանցկացվեն սուրբգրային սերտողության դասեր, կիրակնօրյա պատարագներից հետո կկազմակերպվեն ճաշկերույթներ:

Ռուբեն վարդապետ Զարգարյանը բանախոսություն է կարդացել արցախցիների համար

Արցախի թեմի «Ընծա» սոցիալ-հոգևոր և հոգեբանական կենտրոնը արցախցի երիտասարդների համար աստվածաշնչյան սերտողության և մեկնության դասընթացներ է կազմակերպում: Այս անգամ նրանց համար բանախոսել է Մայր աթոռի միաբան Ռուբեն վարդապետ Զարգարյանը։

Տավուշի Սևքար համայնքում բացվել է Ավետիս սոցիալ-մշակութային կենտրոնը

«Ավետիս» սոցիալ-կրթական կենտրոնի տեղում նախկինում երաժշտական դպրոց է գործել: Ժամանակի ընթացքում չվերանորոգվելով՝ շենքը քայքայվել ու վատթար վիճակում է հայտնվել: 2004 թվականին այն Հայ առաքելական եկեղեցուն է փոխանցվել՝ լուսահոգի Սեպուհ արք Չուլջյանի ջանքերով: 2025 թվականի մայիսից Տավուշի թեմի առաջնորդական փոխանորդ Սամվել վարդապետ Մխիթարյանը բարերար անձանց օգնությանն է դիմել՝ կենտորնը հիմնովին նորոգելու համար: Օժանդակել են Սասուն Ավետիսյանը, Հակոբ Մենեմշյանը, Կարեն Գրիգորյանը, նաև ԱՄՆ Հայոց Արևելյան թեմը:

Տ. Շմավոն քահանա Ղևոնդյան

Ինչո՞ւ են տաղավար տոները հինգը:
Կաթողիկոսին դիմելիս ինչո՞ւ են օգտագործում գրաբարյան ձևը՝ Ամենայն հայոց, այլ ոչ՝ բոլոր հայերի:
Մյուռոնից հանելը ժողովրդակա՞ն, թե՞ հոգևոր արարողություն է:
Մոմավառության սովորությունը երբվանի՞ց է կիրառվում մեր եկեղեցում:
Ինչպե՞ս չընկնել բարկության մեղքի մեջ:

Հեռուստադիտողների և օգտատերերի հարցերին պատասխանել է Տ. Շմավոն քահանա Ղևոնդյանը: Գրեք ձեր հարցերը «Հարց ու պատասխան» ֆեյսբուքյան էջին:
 

Օդեսայում կայացել է Հայ- ուկրաինական միջազգային դպրոցի բացման արարողությունը

Ուկրաինայի հայոց թեմի առաջնորդիը Մարկոս եպ Հովհաննիսյանի հանդիսապետությամբ կատարվել է Հայ- ուկրաինական միջազգային դպրոցի պաշտոնական բացման արարողությունը: Եկեղեցապատկան դպրոցի շինարարությունն սկսվել է 2021 թվականին, կառուցվել է Գրիգոր Լուսավորիչ բարեգործական հիմնադրամի միջոցներով: Ուսուցումը երկլեզու է՝ հիմնական առարկաները ուկրաիներեն են: Դպրոցը նախատեսված է 100 աշակերտի համար:

Վարագա Սուրբ խաչի տոնին վերաօծվել է Երնջատափի Սուրբ Նշան եկեղեցին

Դռնբացեքով սկսվել է օծման արարողությունը, ապա Արագածոտնի թեմի առաջնորդ Մկրտիչ եպիսկոպոս Պռոշյանը սրբալույս մյուռոնով օծել է եկեղեցու սուրբ սեղանը, մկրտության ավազանը, սյուները, նաև եկեղեցու գագաթին դրվող երկաթյա խաչը: Օծումից հետո թեմակալ առաջնորդի հանդիսապետությամբ սուրբ պատարագ է մատուցել Տեր Հովհաննես աբեղա Թորգոմյանը:

Ալեք և Մարի Մանուկյան վարժարանի սաները հանդիպել են Ամենայն Հայոց Հայրապետին

1969 թվականից Միչիգանի Դետրոյթ քաղաքում գործող Ալեք և Մարի Մանուկյան վարժարանի 20 սաներ և ուսուցիչներ ՀԲԸՄ հայաստանյան գրասենյակի նախագահ Վազգեն Յակուբյանի ուղեկցությամբ հանդիպել են Ամենայն Հայոց Հայրապետի հետ: Վեհափառ Հայրապետը դպրոցի սաներին կոչ է արել հայրենիքին աջակցել կրթության, հավատքի ու բարի գործերի ճանապարհով: