Հեղինակ Մերի Հովսեփյան

Սեւանավանք է տարվել Ս. Անդրեաս և Ս. Մատթեոս առաքյալների մասունքները

Հոգեգալստյան տոնին նշվում է Սևանավանքի ուխտի օրը և ավանդույթի համաձայն այդ օրը սրբազան մասուքներ են տարվում եկեղեցի: Այս տարի Ս. Անդրեաս և Ս. Մատթեոս առաքյալների մասունքներն է տարվել եկեղեցի։ Մասունքարանը, որի մեջ ամփոփված են երկու սրբերի մասունքները, պատրաստվել է Արևմտյան Հայաստանի Բաղեշ քաղաքում, 18-րդ դարում: Հայոց Ցեղասպանության տարիներին այլ սրբությունների հետ Ս. Էջմիածին է բերվել ու շարունակում է իր զորությունը բաշխել հայ և օտարազգի բազմաթիվ ուխտավորների:

Երևանի Զորավոր Սուրբ Աստվածածին եկեղեցի է բերվել Զորավոր սուրբ Ավետարանը

Մայիսի 14-ը Սուրբ Մովսես Տաթևացի Կաթողիկոսի մահվան հիշատակության օրն է: Այդ օրը հռչակվել է նաև Երևանի Զորավոր Սուրբ Աստվածածին եկեղեցու ուխտի օր, Մովսես Տաթևացին մինչ հայրապետ դառնալը տևական ժամանակ այստեղ է ծառայել, կառուցել մեծ վանական համալիր, որն ավերվել է 1679 թվականի երկրաշարժի ժամանակ: Հոգևորականներն ու հավատացյալները դիմավորել են մաշտոցյան մատենադարանից եկեղեցի բերված Զորավոր սուրբ Ավետարանը: Ամեն տարի եկեղեցում Զորավոր ավետարանը մնում է մինչև երեկոյան ժամերգություն:

Տ. Բենիամին քահանա Ծատուրյան

Հեռուստադիտողների և օգտատերերի հարցերին պատասխանել է Տ. Բենիամին քահանա Ծատուրյանը: Գրեք ձեր հարցերը «Հարց ու պատասխան» ֆեյսբուքյան էջին:

Ու՞մ է Քրիստոս մայր ու եղբայրներ համարում
Ինչպե՞ս աղոթել անուն չունեցող փոքրիկի հոգու խաղաղության համար
Մեր հավատի չափը արդյո՞ք փորձվում կամ չափվում է Տիրոջ կողմից
Ծաղիկներ խոնարհելիս անհրաժե՞շտ է խաչակնքվելը
Ի՞նչ արարողություն է մյուռոնից հանելը
Հավիտենական կյանքում Աստծուն տեսնելու հնարավորություն լինելու՞ է
Քրիստոսի՝« մի դատիր, որ չդատվես» պատգամն ինչպե՞ս է իրականանալու:

Արցախցիներին օգնող «Հայկական խաչ» հիմնադրամը փետրվարից սկսել է գործել

Ռուսաստանի և նոր նախիջևանի հայոց թեմի առաջնորդ Եզրաս արք. Ներսիսյանի նախաձեռնությամբ հիմնադրված «Հայկական խաչ» հիմնադրամը օգնում է Արցախից բռնի տեղահանված ընտանիքներին։ Կայքում ընտանիքներն իրենք են գրանցվում իրենց տվյալները, ծանոթանում պայմաններին և սկսում դրամահավաքը։ Դրամահավաքի ոլորտները 20-ից ավելի են՝ սոցիալականից մինչև մշակույթ, գիտություն, կրթություն, առողջապահություն:

Մայր Աթոռում Ամենայն Հայոց Կաթողիկոսն ընդունել է բրազիլացի լրագրողների

Բրազիլացի լրագրողների հետ հանդիպմանը Ամենայն Հայոց Կաթողիկոսը հայտարարել է, որ հայ ժողովուրդը սպասում է միջազգային հանրության կողմից Հայոց ցեղասպանության դատապարտմանն ու Ադրբեջանի կողմից Արցախի էթնիկ զտումների ու հայկական հոգևոր-մշակութային արժեքների ոչնչացման վերաբերյալ գնահատականին։ Վեհափառ Հայրապետը հույս է հայտնել, որ լրատվամիջոցները իրենց լսարանին կներկայացնեն տարածաշրջանում և Հայաստանում առկա իրավիճակը, կբարձրաձայնեն արցախահայության իրավունքների պաշտպանության և գերիների վերադարձի խնդիրները։

Տ. Վաչագան քահանա Գյուրջյան

Հեռուստադիտողների և օգտատերերի հարցերին պատասխանել է Տ. Վաչագան քահանա Գյուրջյանը: Գրեք ձեր հարցերը «Հարց ու պատասխան» ֆեյսբուքյան էջին:

Ինչո՞ւ խոստովանության կարգը պատարագի վերջում չի կատարվում:
Ու՞մ համար է նախատեսված «Հայսմավուրքը»:
Ի՞նչ է նշանակում հինանց շրջան:
Ո՞րն է Հուդայածառը:
Եկեղեցիների օծման ժամանակ ինչո՞ւ է գինի գործածվում:
Ինչո՞ւ չամուսնացած կինը չի կարող լինել կնքամայր:
 

Թբիլիսիում և Դամասկոսում բողոքի գործողություն և ոգեկոչման արարողություն են իրականացրել

Վրաստանում Հայոց ցեղասպանության տարելիցի առիթով բողոքի գործողությունը և ոգեկոչման արարողությունը սկսվել է Թբիլիսիի «Իսանի» թաղամասից: Բազմաթիվ հայեր ջահերով, ցուցանակներով շարժվել են Հավլաբարի Սուրբ Էջմիածին եկեղեցի՝ պահանջելով ճանաչել, դատապարտել ու հատուցել: Վիրահայոց թեմի Սբ. Գևորգ առաջնորդանիստ եկեղեցում կատարվել է բարեխոսական կարգ: Դամասկոսում մատուցվել է Ս. Պատարագ։

Մեծ Բրիտանիայի հայոց թեմում հիշատակվել է Հայոց ցեղասպանության 109-րդ տարելիցը

Ապրիլի 21-ին Լոնդոնի Սուրբ Եղիշե եկեղեցում Հայոց ցեղասպանության 109-րդ տարելիցի առիթով Մեծ Բրիտանիայի և Իռլանդիայի հայոց թեմի առաջնորդ Հովակիմ եպիսկոպոս Մանուկյանը սուրբ պատարագ մատուցեց: Թեմակալ առաջնորդը Հայոց ցեղասպանության պաշտոնապես ճանաչման կոչով նամակ է հղել նաև Մեծ Բրիտանիայի վարչապետ Ռիշի Սունակին:

«Ծիծեռնակաբերդի» հուշահամալիրում Ամենայն հայոց հայրապետի նախագահությամբ բարեխոսական կարգ կատարվեց

Հայոց ցեղասպանության 109-րդ տարելիցի օրը, Գարեգին Երկրորդ Ամենայն հայոց կաթողիկոսի նախագահությամբ, «Ծիծեռնակաբերդի» հուշահամալիրում կատարվեց Հայոց ցեղասպանության սուրբ նահատակների բարեխոսական կարգ: Արարողության ավարտին հուշահամալիրի մոտ լրագրողները մոտեցան Վեհափառ հայրապետին:

Երվանդաշատում օծվել է Սուրբ Աստվածածին եկեղեցին

Մոտ 10 տարում կառուցված բազիլիկ, փոքր զանգակատնով, Երվանդաշատի Սուրբ Աստվածածին եկեղեցու խորանը, մկրտության ավազանը, սյուները սրբալույս մյուռոնով օծել է Արմավիրի թեմի առաջնորդ Սիոն եպիսկոպոս Ադամյանը: Նա նորաօծ եկեղեցում անդրանիկ Սուրբ Պատարագն է մատուցել: Սուրբ Աստվածածինը կունենա այցելու հոգևորական, որը պարբերաբար արարողություններ կիրականացնի: