Օպերատոր Վռամ Խանամիրյան

Ազգային պատկերասրահը նորոգումից հետո

Ազգային պատկերասրահը ապրիլի 15-ին պաշտոնապես վերաբացվել է նոր տեսքով, ժամանակակից լուծումներով ու բազմազան ծրագրերով: Նորոգումը սկսվել էր 2021 թվականին: Փոխվել ու արդիականացվել են օդափոխության համակարգերը, տեղադրվել են նոր վերելակներ, փոխվել է թանգարանի էքսպոզիցիան: Զուգահեռ նորոգվել է պատկերասրահի մյուս մասնաճյուղերը։ Ազգային պատկերասրահում տեղի ունեցող փոփոխությունների ու թանագարանի զարգացման մասին «Արտֆոկուսում» Անահիտ Մարգարյանը զրուցել է Ազգային պատկերասրահի ցուցահանդեսային բաժնի ղեկավար Վիգեն Գալստյանի հետ:

Հերոսներին տուն վերադարձնող գրականություն, մաս 1

Տուն վերադարձը հայ ու համաշխարհային գրականության առանցքային թեմաներից է։ Գրական ու բանահյուսական ստեղծագործություններում տարբեր են հերոսների տուն վերադարձի շարժառիթներն ու տան նրանց ընկալումները։ Հայ միջնադարյան գրականության, բանահյուսության, նաև նոր գրականության մեջ տուն վերադարձի մոտիվները «Զուգահեռ ընթերցումներ» հաղորդմանը քննարկել են գրականագետներ Հայկ Համբարձումյանը և Արքմենիկ Նիկողոսյանը։

Արցախցիների հավաքական վերադարձի իրավունքը վտանգված է

«Արցախի ժողովրդի շահերի ու իրավունքների պաշտպանության միություն» հասարակական կազմակերպությունը կոչ է անում միասին պաշտպանել Արցախի ցեղասպանված ժողովրդի իրավունքները, անվտանգ վերադարձն ու արժանապատիվ ապագան։ Աննա Սարգսյանը զրուցել է Արցախ Միության նախագահ, Արցախի Հանրապետության նախկին պետական նախարար ու Մարդու իրավունքների նախկին պաշտպան Արտակ Բեգլարյանի հետ:

Կայացել է «Հայոց Արևելից կողմեր․ Գարդման․ պատմություն և իրականություն» խորագրով խորհրդաժողով

Խորհրդաժողովին քննարկվել է Մեծ Հայքի Ուտիք նահանգի Գարդման գավառի պատմամշակութային ժառանգության ու 20-րդ դարում տեղի ունեցած հայաթափման իրողությունները։ Խորհրդաժողվի ավարտին կազմակերպիչները հանդես են եկել հայտարարությամբ՝ պահանջելով Ադրբեջանից, միջազգային հանրությունից ճանաչել Գարդմանի հայ բնակչության իրավունքներն ու կրել պատասխանատվություն:

Շիրակի թեմի առաջնորդին ձերբակալելու համար իրավապահները ներխուժել են Մայր Աթոռի տարածք

Միքայել արքեպիսկոպոս Աջապահյանը Մայր Աթոռում համակարգում էր քահանայական ամենամյա ժողովը, երբ սրբավայր են ներխուժում դիմակավորված իրավապահները։ Հայաստանի թեմերից ժամանած քահանաները շրջապատում և պաշտպանության տակ են առնում Շիրակի թեմի առաջնորդին եւ Ամենայն Հայոց Կաթողիկոսին։ Հետո երեղեցու պաշտպանությանն է միանում հավատացյալ հասարակությունը։ Միքայել արքեպիսկոպոսը մի քանի անգամ փորձում է նստել մեքենան եւ գնալ իրավապահների հետ, սակայն հավաքվածները ընդդիմանում են, ի վերջո սրբազանը որոշում է ոտքով գնալ Քննչական։

Տ. Մասիս քահանա Առաքելյան

Թույլատրելի՞ է Ավետարանում գրիչով նշումներ անելը:
Հայ Առաքելական եկեղեցու հետևորդն իր խաչը կարո՞ղ է օրհնել ուղղափառ եկեղեցում:
Սրբանկար ընտրելիս ինչի՞ն պետք է ուշադրություն դարձնել:
Ի՞նչ է նշանակում ուխտի պատարագ:
Սուրբ հոգու շնորհները մկրտված անձին ինչո՞ւ չեն պաշտպանում սայթաքումներից՞

Հեռուստադիտողների և օգտատերերի հարցերին պատասխանել է Տ. Մասիս  քահանա Առաքելյանը: Գրեք ձեր հարցերը «Հարց ու պատասխան» ֆեյսբուքյան էջին:
 

Կրթության և գիտության նոր ռազմավարություն. մաս 209-րդ

«ԿԱԶԱ» հիմնադրամի կրթական ծրագրերի ղեկավար Զարուհի Լավչյանի հետ Հովհաննես Երանյանը քննարկել է Հայաստանում հիմնադրամի գործունեության, տարբեր տարիքային խմբի շահառուների համար իրենց իրականացծրած ոչ ֆորմալ կրթական ծրագրերի մասին։

Հայորդյաց տան մանրանկարչության դասարանի սաները հաղթել են «Մանկական գույներ» ցուցահանդեսում

Մայր Աթոռ Սուրբ Էջմիածնի Հրաչ և Սյուզան Թուֆայան հայորդյաց տան մանրանկարչության դասարանի հինգ սաներ «Մանկական գույներ» ցուցահանդես-մրցութում առաջին մրցանակի են արժանացել: Մրցույթը կազմակերպել են Նկարիչների միությունն ու «Դավեյան Արտքոլոր» կազմակերպությունը: Նկարիչների միությունում կազմակերպված ցուցահանդեսին մասնակցել է 350 երեխա։

Հայաստանում գրանցված 60-ից ավելի կրոնական կազմակերպությունները գրեթե չեն վերահսկվում

Համագումարի ընթացքում միաբանների համար Մայր Աթոռում կազմակերպվել են թեմատիկ բանախոսություններ: Բանախոսները նկատել են, որ Հայաստանում առաքելական սուրբ եկեղեցին իր կառույցներով բացառիկ կարգավիճակ ունի: Այսինքն 91 թվից դրված է եղել հայ առաքելական սուրբ եկեղեցին որպես ազգային կառույց դիտելու և կարգավիճակը իրավաբանորեն ամրագրելու պարտականությունը, որը հետագայում ամրագրվեց 2005 թվականի սահմանադրությամբ: Իսկ Հայաստանում գրանցված 60-ից ավելի կրոնական կազմակերպությունները գրեթե չեն վերահսկվում, հաշվետվողականությունը թերի է:

Համագումարին բացվել է «Սուրբ Էջմիածնի միաբանը 19-20րդ դարեորւմ» ցուցահանդեսը

Ցուցահանդեսում ամփոփված փաստագրական նյութը էջմիածնական ականավոր միաբանների եւ հայրապետների մասին է։ Նրանց գործունեությունն անջնջելի հետք է թողել Մայր Աթոռի և հայ ժողովրդի պատմության վրա։ Նրանք ոչ միայն հոգևորականներ են եղել, այլև հայտնի մտավորականներ ու գիտնականներ։ Գևորգ Չորրորդ կաթողիկոսը հիմնադրել է նոր շրջանում Հայաստանի առաջին բարձրագույն ուսումնական հաստատությունը՝ Գևորգյան հոգեվոր ճեմարանը։ Այստեղ կրթվել են ոչ միայն ժամանակի հոգեվորականները, այլև ապագա գրողներ, ուսուցիչներ, երաժիշտներ, պատմաբաններ, հանրային գործիչներ։