Ձայնն ու խոսքը հոգևոր երգերում, մաս 1


Հայ միջնադարյան հոգևոր երաժշտությունը` շարականները, հոգևոր երգերը ստեղծվելով որպես ծեսի բաղադրիչներ՝ ինքնահատուկ աղոթքներ են, որտեղ համադրվում են խոսքն ու մեղեդին, ծիսականն ու գեղարվեստականը, հեղինակային ու ընդհանրականը։ Ինչպե՞ս են մեր շարականագիրներն հասել այդպիսի առինքնող ներդաշնակության: «Զուգահեռ ընթերցումներ» հաղորդմանը այս հարցերն են քննարկում գրականագետներ Հայկ Համբարձումյանը, Արքմենիկ Նիկողոսյանը և երաժշտագետ Արուսյակ Թամրազյանը։

Թարգմանչաց տոնը Պոլսի հայոց պատրիարքությունում


Կոստանդնուպոլսի հայոց պատրիարքությունում այս տարի Սրբոց Թարգմանչաց տոնի շաբաթը նշանավորվել էր նաև Սահակ պատրիարք Մաշալյանի գահակալության հնգամյակի տոնակատարություններով: Հանդիսությունների շարքում Պոլսի հայոց պատրիարքական աթոռի պատմության մասին «Ինքնության արահետ» փաստավավերագրական ֆիլմի շնորհանդեսն էր:

 

Պարույր Սևակ


Շուրջ կես դար է անցել Պարույր Սևակի ողբերգական ավտովթարից: Մինչև այսօր դեռ չեն վերացել կասկածները, որ ավտովթարը գրողին սպանելու դիտավորություն էր: Արձակագիր Հովհաննես Երանյանը փորձում է պատասխանել հարցին. արդյո՞ք ավտովթարը պատահական էր, թե՞ կանխամտածված սպանություն:

Հայ Առաքելական Եկեղեցին նշել է Սուրբ առաքյալի հիշատակության օրը


Ամենայն Հայոց Հայրապետի օրհնությամբ Մայր Աթոռ Սուրբ Էջմիածնից Զորավոր Սուրբ Աստվածածին եկեղեցի է տեղափոխվել բերվել Սուրբ Անանիա առաքյալի մասունքակիր աջը։ Տեր Վահանի առաջնորդությամբ թափորը Փարպեցի փողոցում դիմավորել է մասունքը, ապա շարականների երգեցողությամբ մասունքակիր աջը իջեցվել է Սուրբ Անանիայի մատուռ: Զորավոր Սուրբ Աստվածածին եկեղեցում օրհնության կարգ է կատարվել:

«Արև-երեխաներ» կենտրոնը տեղափոխվել է ավելի մեծ ու ընդարձակ շենք


zarkerak.am կայքէջը հոկտեմբերի 13-ին հրապարակել է մի հոդված, որում եկեղեցուն մեղադրում է դաունի համախտանիշ ունեցող երեխաներին հատկացված տարածքը հետ վերցնելու մեջ: Ընդ որում, անստորագիր հոդվածի հեղինակը հարկ չի համարել իմացածը ճշտել կենտրոնի տնօրինությունից՝ ներկայացնելով թերի, կեղծ և զրպարտող տեղեկություն: «Արև-երեխաներ» երեխաների առողջության և զարգացման կենտրոն ՀԿ նախագահ Տ. Գրիգոր քահանա Գրիգորյանը բոլոր, այսպես կոչված «սրտացավ» լրատվամիջոցներին, վստահեցնում է՝ կենտրոնը ոչ միայն չի փակվել, այլև ավելի մեծ հնարավորություններով է շարունակում իր աշխատանքը:

Լեռ Կամսար


«Տաղավարում. գրականության և արվեստի շուրջ» շարքի հերթական հաղորդումը նվիրված է հայտնի երգիծաբան Լեռ Կամսարին: Արձակագիր Հովհաննես Երանյանը փորձում է պատասխանել հարցին, թե ինչու նրա ստեղծագործությունները և գրական ինքնությունը լայն ճանաչում ձեռք չեն բերում ընթերցողական շրջանակներում:

Քրիստոսի խաչափայտի մասունքը տեղափոխվել է Կոշի սուրբ Գևորգ եկեղեցի


Ամենայն Հայոց Հայրապետի օրհնությամբ և Արագածոտնի թեմի առաջնորդի նախաձեռնությամբ՝ արդեն երկրորդ տարին է, ինչ մասունք է տեղափոխվում սուրբ Գեւորգ եկեղեցի. անցյալ տարի էլ ուխտավորները հաղորդակցվել են սուրբ Գևորգ զորավարի մասունքի հետ: Պատարագին ներկաները՝ խաչի կնքահայր, բարերարներ, ուխտավորներ հաղորդվել են մասունքին։

 

Ամենայն Հայոց Կաթողիկոսն ընդունել է ՀՕՖ տնօրենների խորհրդի անդամներին ու բարերարներին


Հայ Առաքելական Սուրբ Եկեղեցու ԱՄՆ Հայոց Արևելյան թեմի Հայ օգնության ֆոնդի տնօրենների խորհրդի անդամներն ու բարերարները, թեմի առաջնորդ ՀՕՖ-ի նախագահ Տ. Մեսրոպ եպիսկոպոս Պարսամյանը և ֆոնդի տնօրենների խորհրդի ատենապետ Ռենդի Սապահ-Գուլյանը այցելել են հաստատություններ, որոնցում ծրագրեր է իրականացնում Հայ օգնության ֆոնդի Հայաստանի գրասենյակը: Այս այցին խորհուրդը անդրադարձել է աղքատության հաղթահարմանը միտված բազմաբաղադրիչ ծրագրերին Տավուշում ու Սյունիքում, երեխաների պաշտպանության, կրթության և գիտության, բարձր տեխնոլոգիաների, տնտեսական ու համայնքային զարգացման, առողջապահության, սոցիալական աջակցության ոլորտներում իրականացվող նախաձեռնություններին և Արցախից բռնի տեղահանված ընտանիքների հետ տարվող աշխատանքներին։

 

Համաստեղի արձակի հմայքը


Համաստեղի գրականությունն այն բացառիկներից է, որ միաժամանակ ջերմորեն ընդունվեց թե՛ Սփյուռքում, թե՛ Խորհրդային Հայաստանում։ Եվ դրա պատճառը բացարձակապես այն չէր, որ Համաստեղի արձակը չուներ որևէ կողմի համար անընդունելի կամ ոչ հարազատ գաղափարական շեշտադրումներ։ Գաղտնիքը նրա գրականության խորության, բարձր գեղարվեստականության ու ամենակարևորը՝ յուրօրինակ, երբեմն անբացատրելի հմայքի մեջ է։ «Զուգահեռ ընթերցումներ» հաղորդմանը գրողի արձակի մասին զրուցում են գրականագետներ Հայկ Համբարձումյանն ու Արքմենիկ Նիկողոսյանը:

Լեռնային Ղարաբաղ. Մշակույթի իրավունքի խախտումները և բռնի տեղահանումները


Լույս է տեսել «Լեռնային Ղարաբաղ. Մշակույթի իրավունքի խախտումները բռնի տեղահանության համատեքստում» աշխատությունը: Գիրքը նվիրված է 2020-2023 թվականների ընթացքում Ադրբեջանի կողմից սանձազերծված պատերազմների, էթնիկ զտումների, ցեղասպանական գործողությունների, ռասայական ատելության, խտրականության և մշակութային ժառանգության համակարգված ոչնչացման հետևանքով իրենց պատմական հայրենիքից բռնի տեղահանված արցախահայերի մշակույթի իրավունքի բազմակողմ խախտումների ուսումնասիրությանը և դրանց պաշտպանության մեխանիզմների ներկայացմանը։ Աննա Սարգսյանը զրուցել է մենագրության հեղինակ, պատմական գիտությունների թեկնածու Արմինե Տիգրանյանի հետ:

Հրանտ Մաթևոսյանը և հայ թատրոնը


Արձակագիր Հովհաննես Երանյանը պատմում է Հրանտ Մաթևոսյանի ստեղծագործությունների հիման վրա բեմադրված ներկայացումների մասին: Ինչո՞ւ գրողը վերապահ վերաբերմունք ուներ նույնիսկ այն ներկայացումների նկատմամբ, որոնք արժանացել էին հանդիսատեսի և քննադատների հիացումին:

Վարագա Սուրբ Խաչի տոնին Մայր Տաճարում մատուցվել է սուրբ Պատարագ


Պատարագին կոչ է արվել աղոթել արդեն ամիսներ շարունակ անազատության ու զրկանքների մեջ գտնվող Սրբազան Հայրերի, ազգային բարերար Սամվել Կարապետյանի և մեր մյուս հայրենակիցների համար, որոնք ապօրինաբար գտնվում են բանտում: