Միքայել սրբազանի գործով դատավարությանը դատարանը քննարկել է նրա խոհերը


Դատարանը քննարկել է Միքայել արքեպիսկոպոս Աջապահյանի անձնական օրագրից դուրս բերված մտքերն ու խոհերը: Փաստաբանները նկատել են, որ Միքայել սրբազանին դատում են ոչ միայն կարծիքի, այլեւ մտքի համար։ Նրանք ընդգծել են, որ սրբազանի կեցավայրում իրականացված խուզարկությունն ու դրա արդյունքում ձեռք բերված ապացույցներն անթույլատրելի են: Պաշտպանական կողմը՝ որպես ապացույց, գործին կցել է «կոչ» բառի ստուգաբանությունը:

 

Մայր Աթոռի հովանու ներքո գործող Իզմիրլյան բժշկական կենտրոնում կատարվել է խողողօրհնեքի արարողություն


Աշխատակիցների , հիվանդների, ու հիվանդապահների համար խաղողօրհնեքի կարգ կատարել է Տեր Հովհաննես աբեղա Թորգոմյան: Նա ամեն օր այցելում է բուժառուներին, հիվանդաց կարգ է կատարում վերակենդանացման բաժանմունքում, իսկ վիրահատություններից առաջ օրհնում է հիվանդներին: Արարողությունից հետո խաղողը բաժանվեց ներկաներին, որպեսզի օրհնված պտուղը մտնի յուրաքանչյուրի տուն, հաջողություն և առատություն բերի ընտանիքներին:

Միքայել Սրբազանի պաշտպանները դատավորին բացարկի միջնորդություն են ներկայացրել


Փաստաբաններն արձանագրել են, որ դատավոր Արմինե Մելիքսեթյանը Միքայել Սրբազանի նկատմամբ խիստ բացասական վերաբերմունք ունի։ Դատավորը կանխակալ է տրամադրված և շահագրգռված է, որպեսզի Միքայել սրբազանի գործն իր վարույթում մնա: Նրանց գնահատմամբ՝ դատավորը գործը քննում է ընդդատության կանոնների կոպիտ խախտմամբ։ Սրբազանը հարցազրույցները տվել է Շիրակի մարզում, հետևաբար գործը պետք է քննվի Շիրակի մարզի դատարանում, սակայն դատավորն անում է հնարավոր ամեն բան վճիռն անձամբ կայացնելու համար: Փաստաբանների միջնորդությամբ դատարանը թույլ է տվել, որպեսզի սրբազանին տեսակցեն բոլորը, բացի լրագրողներից։

Աստվածածնի Վերափոխման տոնին Մայր Տաճարում տոնական պատարագ է մատուցվել


Տոնական Պատարագի ավարտին հանդիսավոր թափորը Նաթան արքեպիսկոպոս Հովհաննիսյանի հանդիսապետությամբ շարժվել է դեպի սուրբ Տրդատ բաց խորան, որտեղ կատարվել է խողողօրհնեքի արարողությունը: Նախ գոհություն է մատուցվել Աստծուն՝ հանդերի ու այգիների բերքի համար, ապա հոգևոր դասը աղոթքներով Տիրոջ օրհնությունն է հայցել տաճարին ընծայված պտուղների համար։ Արարողությունից հետո խաղողը բաժանվեց ժողովրդին, որպեսզի օրհնված պտուղը մտնի յուրաքանչյուրի տուն, հաջողություն և առատություն բերի:

Էջմիածին քաղաքը կունենա բարեկարգ այգի


Իշխանամերձ լրատվամիջոցներից մեկը տեսանյութ է հրապարակել Մայր Աթոռին պատկանող Էջմիածնի քաղաքային այգու վերաբերյալ, իբրեւ Էջմիածնի բնակիչներն զուրկ են կանաչապատ տարածքներում իրենց հանգիստը վայելելու հնարավորությունից։ Իրականում Մայր Աթոռում իրականացվել է հսկայածավալ կանաչապատման աշխատանքներ։ Մայր Աթոռի վարչատնտեսական բաժնի տնօրեն Մուշեղ եպիսկոպոս Բաբայանը հստակեցրել է այգու բարեկարգման աշխատանքների ժամկետներն ու հետաձգման պատճառները։

Մայր Տաճարում մատուցվել է Պայծառակերպության տոնական պատարագ


Պատարագը մատուցել է Արշակ եպիսկոպոս Խաչատրյանը։ Սրբազան հայրը կոչ է արել մաքրել մտքերը, ցրել հորիզոնի մշուշը։ Նա մաղթել է, որ պատերազմի կորուստներից ու ցավերից բեկված հայ ժողովուրդն ամրանա հույսով ու հավատքով, արժանապատվությունն ու պատվախնդրությունը ոռոգեն մեր հաղթական ճանապարհը և Տիրոջ արդար ձեռքը ծանրանա նրանց վրա, ովքեր մարտնչում են Աստուծո և Իր Սուրբ Եկեղեցու դեմ։ Տոնական պատարագի ավարտին հավատացյալներն ընդառաջ են եկել հայրապետական թափորին՝ ստանալու Ամենայն հայոց կաթողիկոսի օրհնությունը:

 

Սամվել Սաֆարյան


Սամվել Սաֆարյանին մեկ օրվա ընթացքում երեք անգամ վիրավվել է: Ծննդավայր Արցախի Մարտունու շրջանի Շեխեր գյուղում զինվորական ծառայության է եղել Սամվելը, երբ սկսվել է պատերազմը: Երիտասարդ հրամանատարն իր ենթակայության տակ գտնվող 4 դիպուկահարի հետ դիրքերում է եղել։ Առաջին անգամ վիրավորվել է թշնամու խրամատի դիտարկման ընթացքում, երբ ադրբեջանցի զինվորները հարձակվել են իրենց խրամատի վրա ու նռնակներ նետել, այդ ժամանակ Սամվելի աջ ձեռքն է վիրավորվել, երկրորդը՝ հիվանդանոցի ճանապարհին, երրորդը՝ գլխի շրջանում:

Ամենայն Հայոց Կաթողիկոսն ընդունել է հայագիտական դասընթացներին մասնակից երիտասարդներին


Բրիտանիայի, Ավստրիայի, Ռուսաստանի, Բրազիլիայի և ԱՄՆ Հայոց թեմերից ժամանած երիտասարդները երեք շաբաթ Մայր Աթոռում կմասնակցեն հայագիտական և կրոնագիտական դասընթացների: Վեհափառ Հայրապետն, օրհնելով տարբեր երկրներից ժամանած երիտասարդներին, կարևորեց նրանց համախմբումը Մայր Աթոռ Սուրբ Էջմիածնում և մասնակցությունը կրթական ծրագրին։

 

Նարեկ Ամիրյան


«Ուկրաինայի ձայնը» նախագծի մասնակից և բժիշկ Նարեկ Ամիրյանը 44-օրյա պատերազմի մասնակից է։ Նա մինչեւ պատերազմը սովորում էր բժշկական համալսարանում և աշխատում էր «շտապօգնությունում» բրիգադի բժիշկ։ Ռազմաճակատում Նարեկն իր բրիգադի հետ վիրավորների էր տեղափոխում: Նոյեմբերի 6-ին Քարվաճառի ճանապարհին բժշկական անձնակազմը հարձակման է ենթարկվում, որի հետեւանքով վիրավորվում է նաև Նարեկը։

Հոգեւորականները ՀԵՀԵՄ երիտասարդների հետ քննարկել են ընտանիքի կարեւորությունը


Երկօրյա կրթական ծրագրին «Ընտանիքը Եկեղեցու Հիմքն է» և «Ամուսնությունը և Ռոմանտիկ Հարաբերությունը» թեմաներով բանախոսությամբ հանդես են եկել հոգևորականներ՝ աշխարհարհասփյուռ թեմերից։ Բանախոսություններն ընթացել են բաց երկնքի տակ, երիտասարդները բաժանվել են խմբերի և տարբեր տաղավարներում հոգևորականների հետ զրուցել քրիստոնյա ընտանիք կազմելու կարևորությունը:

Հայ առաքեկան եկեղեցու և ամենայն հայոց Կաթողիկոսի թիրախավորումը հակասահմանադրական է


Գևորգ եպիսկոպոս Սարոյանը կարծում է, որ եկեղեցու թիրախավորումը թուլացնելու է մեր պետականության հիմքերը, իսկ հայ առաքելական եկեղեցին մշտապես եղել է այդ պետականության կերտման կարևոր դերակատարն ու պաշտպանը։ Նիկոլ Փաշինյանի թիրախային հարձակումներին զուգահեռ Հայ Առաքելական եկեղեցուն աջակցելու հայտարարությունից հետո ձերբակալվեց բարերար Սամվել Կարապետյանը, որին հաջորդեցին Բագրատ եւ Միքայել Արքեպիսկոպոսների ձերբակալությունը։

Հայ առաքելական եկեղեցին նշել է Գրիգոր Լուսավորչի նշխարները գտնելու տոնը


Տոնի առիթով Հայ եկեղեցին սահմանել է շաբաթապահք։ Հայոց հայրապետի տնօրինությամբ, տոնի շաբաթապահքի օրերին Սուրբ Էջմիածնի Մայր Տաճարում, Երևանի Սուրբ Գրիգոր Լուսավորիչ մայր եկեղեցում և թեմերի առաջնորդանիստ եկեղեցիներում ամեն օր երեկոյան Սուրբ Պատարագ էր մատուցվում՝ հնարավորություն ընձեռելով հավատացյալներին աղոթելու նեղության մեջ գտնվողների, ազատազրկվածների, գերիների ու մեր երկրի խաղաղության համար: