 |
Վերափոխման տոնը՝ Խաղողօրհնեքը, Մայր ԱթոռումԱյսօր Մայր Աթոռ Սուրբ Էջմիածնում հազարավոր հավատացյալների էր համախմբել Սուրբ Աստվածածնի Վերափոխման տոնը, որի առիթով Գարեգին Բ Ամենայն Հայոց Կաթողիկոսի հանդիսապետությամբ տոնական Պատարագ մատուցեց Հայկազուն արքեպիսկոպոս Նաջարյանը։ Պատարագի ավարտին հայրապետական թափորը շարժվեց դեպի Սուրբ Տրդատ Բաց Խորան, որտեղ Հայոց Հայրապետը կատարեց խաղողի օրհնության կարգը և, դիմելով իր աշխարհասփյուռ ժողովրդին, հորդորեց․ «Լավատեսությամբ շարունակեք շենացնել մեր երկիրը»։ Արարողությունից հետո օրհնված խաղողը բաժանվեց ժողովրդին։ |
 |
Գլխավոր դատախազը բողոքարկել է Միքայել Սրբազանի վերաբերյալ Վերաքննիչ դատարանի որոշումըՀՀ գլխավոր դատախազ Աննա Վարդապետյանը Վճռաբեկ դատարան բողոք է ներկայացրել՝ Միքայել արքեպիսկոպոս Աջապահյանի վերաբերյալ Վերաքննիչ քրեական դատարանի հունիսի 25-ի որոշման դեմ։ Գլխավոր դատախազը համաձայն չէ որոշման հետ և Վճռաբեկ դատարանից պահանջում է այն բեկանել, ինչի մասին հայտնում է Սրբազանի պաշտպանական թիմը։ |
 |
Վեհափառ Հայրապետն ընդունեց Արագածոտնի թեմի քահանայից դասին ու նրանց ընտանիքներինՕգոստոսի 13-ին Գարեգին Երկրորդ Ամենայն Հայոց Կաթողիկոսը Մայր Աթոռում ընդունեց Արագածոտնի թեմի քահանայից դասին ու նրանց ընտանիքների անդամներին, ովքեր վերջին ամիսներին մեծապես տուժել են՝ թեմակալ առաջնորդ Մկրտիչ եպիսկոպոս Պռոշյանի և դիվանապետ Տեր Գարեգին քահանա Արսենյանի՝ վարչական հսկողության տակ գտնվելու, ինչպես նաև քահանաների բնակարանների խուզարկությունների և բերման ենթարկելու հետևանքով։ Վեհափառ Հայրապետը կարևորեց հանդիպումն որպես եկեղեցականների հետ հոգևոր կապն ամրապնդելու առիթ, բարձր գնահատեց նրանց դրսևորած անմնացորդ նվիրումն ու ավարտին բոլորին բերեց իր հայրապետական օրհնությունը՝ մաղթելով քաջառողջություն ու բարօր կյանք։ |
 |
Սփյուռքահայ երիտասարդների երկրորդ խումբը՝ Մայր ԱթոռումՕգոստոսի 12-ին Ամենայն Հայոց Կաթողիկոսն ընդունել է հայագիտական ու կրոնագիտական եռշաբաթյա դասընթացներին մասնակցելու նպատակով ժամանած սփյուռքահայ երիտասարդների երկրորդ խումբին։ Վեհափառ Հայրապետն օրհնել է տարբեր երկրներից ժամանած երիտասարդներին, հորդորել ջանասիրությամբ զորացնել հայոց լեզվի ու պատմության իմացությունն ու հոգևոր գիտելիքները, հաղորդ դառնալ հայրենիքի հոգևոր-մշակութային ժառանգությանն ու արժեքներին, ինչպես նաև վստահեցրել, որ առկա դժվարություններին հակառակ՝ Եկեղեցին իր առաքելության մեջ հաստատուն է ու անսասան։ |
 |
Մասաչուսեթսի հայ ուխտավորների 2-րդ խումբը Մայր ԱթոռումԱմենայն Հայոց Կաթողիկոսը հուլիսի 26-ին Մայր Աթոռ Սուրբ Էջմիածնում ընդունել է ԱՄՆ Մասաչուսեթս նահանգի Ուսթրի Սուրբ Փրկիչ եկեղեցու ուխտավորներին՝ Տեր Թադեոս քահանա Բարսեղյանի առաջնորդությամբ։ Համայնքը ձևավորվել է դեռևս 1890-ականներին և այստեղ հիմնել է Միացյալ Նահանգների առաջին հայկական եկեղեցին, որը մինչ օրս հանդիսանում է տեղի հայության հոգևոր ու ազգային կյանքի գլխավոր կենտրոնը։ |
 |
«Մեկ տարվա հավերժություն». նոր ցուցադրություն ՄատենադարանումՄաշտոցյան Մատենադարանում Հայագիտական 3-րդ միջազգային կոնգրեսի շրջանակում բացվել է «Մեկ տարվա հավերժություն» խորագրով ցուցադրությունը, որտեղ ներկայացված են վերջին մեկ տարում կենտրոնին հանձնված եզակի ձեռագրեր, հնատիպ գրքեր, լուսանկարներ ու արխիվային փաստաթղթեր: Մատենադարանի ֆոնդերը համալրվել են նաև նոր բացառիկ նվիրատվություններով, այդ թվում՝ 17-րդ դարի «Ժողովածու» ձեռագրով և արժեքավոր տպագիր գրքերով: |
 |
Աշխարհի հայագետները՝ Երևանում. Մատենադարանում Հայագիտական կոնգրես էՄաշտոցի անվան Մատենադարանում մեկնարկել է Հայագիտական 3-րդ միջազգային կոնգրեսը, որն այս տարի նվիրված է Մխիթար Սեբաստացու ծննդյան 350-ամյակին: Միջոցառման շրջանակներում ևս 2 տարով երկարաձգվել է «Գալուստ Գյուլբենկյան» հիմնադրամի հետ համատեղ աշխարհասփյուռ հայերեն ձեռագրերի թվային համահավաք շտեմարանի ստեղծման ծրագրի պայմանագիրը: |
 |
Վարդավառը ԳեղարքունիքումՔրիստոսի Պայծառակերպության (Վարդավառի) տոնին Գեղարքունիքի թեմի առաջնորդ Տեր Իսահակ եպիսկոպոս Պողոսյանի գլխավորությամբ ուխտագնացություն է կազմակերպվել Վարդենիկի 11-13-րդ դարերի Իշխանավանք, որտեղ մատուցվել է տոնական Սուրբ Պատարագ և կատարվել անդաստանի կարգ: Միջոցառման ընթացքում սրբազան հայրն օրհնության գրեր է հանձնել սրբավայրի բարեկարգմանն աջակցած բարերարներին: Տոնախմբությունը շարունակվել է Արմաղան լեռան բարձունքում՝ Սուրբ Հարություն եկեղեցու հարևանությամբ, որտեղ Սուրբ Պատարագի մատուցումից և ավանդական ջրցողումից հետո հնչել է ազգային երգ ու պար: |
 |
ԱՄՆ-ի առաջին հայկական եկեղեցու ուխտավորները Մայր ԱթոռումՀուլիսի 10-ին Ամենայն Հայոց Կաթողիկոսը Մայր Աթոռում ընդունեց ԱՄՆ Հայոց Արևելյան թեմի Մասաչուսեթս նահանգի Ուսթրի Սուրբ Փրկիչ եկեղեցու համայնքի ուխտավորներին, որոնց առաջնորդում էր հոգևոր հովիվ Տեր Թադեոս քահանա Բարսեղյանը։ Հայոց Հովվապետն իր օրհնության խոսքում կարևորեց սփյուռքի հայորդիների զորակցությունն իրենց հայրենաբնակ քույրերին ու եղբայրներին և հորդորեց հայաշունչ պահել ընտանիքներն ու հավատքով զորացնել մայր եկեղեցին։ Ուխտավորների նախնիները Համիդյան ջարդերից և Ցեղասպանությունից հետո այնտեղ ապաստանած հայերի սերունդներն են՝ հիմնականում Խարբերդից և Երզնկայից, որոնք, գաղթելով ԱՄՆ, հիմնել են Միացյալ Նահանգներում և ամբողջ Արևմտյան կիսագնդում առաջին հայկական եկեղեցին։ |
 |
Թադեոսի սրբապատկերներըՎազգենյան հոգևոր դպրանոցի 4-րդ լսարանի սան, Փանոս Թերլեմեզյանի անվան գեղարվեստի ուսումնարանի շրջանավարտ Թադեոս Վարդանյանն իր հոգևոր ուղին ընտրել է որպես երախտագիտություն Աստծուց ստացած նկարչական շնորհի: Դպրանոցի տեսչական կազմի աջակցությամբ բացված հատուկ արվեստանոցում երիտասարդը նախկին աշխարհիկ բնապատկերներից ու դիմանկարներից անցում է կատարել կանոնիկ սրբանկարչության բարդ աշխարհ։ Այսօր Թադեոսը շուրջ մեկ տարի է, ինչ աշխատում է «Քրիստոս Ամենակալ» մեծադիր սրբապատկերի վրա՝ վստահ լինելով, որ յուրաքանչյուր սրբանկար «պատուհան է դեպի Աստված»: |
 |
Վերականգնվում է Հառիճավանքի որմնանկարըՀառիճավանքում ընթանում են 1235 թվականին ստեղծված «Օդիգիտրիա» Տիրամոր որմնանկարի ախտորոշման, մաքրման, վերականգնման և կոնսերվացման աշխատանքները: Ջրամեկուսացման և խոնավության խնդիրները լուծելուց հետո, ճարտարապետ Արա Զարյանն ու բելգիացի մասնագետ Քրիստին Լամուրեն աշխատում են որմնանկարի պահպանված հատվածների ամրակայման վրա: Նախատեսվում է արհեստական բանականության և լուսային պրոյեկցիայի միջոցով վերարտադրել որմնանկարի նախնական, ամբողջական տեսքը։ |
 |
Դատարանը բավարարել է Եկեղեցու հայցն ընդդեմ ՆԳՆ ոստիկանությանՀՀ վարչական դատարանը հունիսի 1-ին բավարարել է Հայ Առաքելական Եկեղեցու հայցն ընդդեմ ՆԳՆ ոստիկանության՝ ոչ իրավաչափ ճանաչելով վերջինիս անգործությունը: Գործը վերաբերում է Արագածոտնի թեմի Սուրբ Հովհաննավանքում ստեղծված իրավիճակին: Վանքի նախկին հովիվ, կարգալույծ քահանա Ստեփան Ասատրյանն ամիսներ շարունակ ապօրինի զբաղեցնում է համալիրը, չի վերադարձնում ծառայողական բնակարանի բանալիները և անցկացնում է եկեղեցական կանոններով անվավեր ու անօրինական ծիսակատարություններ։ Կարգալույծ քահանային Հովհաննավանքից վտարելու իրավական գործընթացը դեռ ավարտված չէ, առջևում դեռ այլ իրավական քայլեր են սպասվում։ |