ԱՄՆ հայոց արևելյան թեմում ավարտվել են ամառային ճամբարները

Ամերիկահայ երիտասարդները սերտել են հայոց հավատքի, մշակույթի և պատմության կարևոր դասեր և իրենց շնորհները արտահայտել արվեստի միջոցով։ Ամեն օրն սկսվել և ավարտվել է ճամբարի մատուռում՝ միասնական աղոթքով։ Սուրբ Վարդան ճամբարը հյուրընկալել է 192 ճամբարականի 26 ծխերից՝ ներառյալ մի քանի երիտասարդների Արևմտյան թեմից և նախավարժարանից։ Նրանց աջակցել է 43 հոգանոց ջոկատավարների խումբ՝ 34 երիտասարդ օգնականներով։ Ճամբարականներին այցելել են նաև հոգևորականներ և կամավորներ, որոնք հանդես են եկել բանախոսություններով և իրենց հոգևոր փորձառությամբ ու գիտելիքով կիսվել երիտասարդների հետ։ Հայ Ճամբարին մասնակցել է 120 ճամբարական՝ 13 ծխից: Հայքեմփի 27 ջոկատավարներին օգնել են 31 օգնականներ։