Սեպտեմբերի 22-ին, Մայր Աթոռ Ս. Էջմիածնում Գարեգին Բ Ամենայն Հայոց Հայրապետի հանդիսապետությամբ կիրակնօրյա պատարագը մատուցեց Պոսլո հայոց պատրիարքական ընդհանուր փոխանորդ Արամ արքեպիոսկոպոս Աթեշյանը: Մայր Տաճարում հայ եկեղեցու թեմակալ առաջնորդները, Կիլիկիո կաթողիկոսության միաբանները պատարագի ավարտին Հայոց Հայրապետի գլխավորությամբ աղոթք բարձրացրեցին Սիրիայի Արաբական Հանրապետությունում խաղաղության վերահաստատման համար: Կատարվեց հոգեհանգստյան կարգ:
Գարեգին Բ Ամենայն հայոց կաթողիկոսի տնօրինությամբ հայ եկեղեցու բոլոր թեմերը պարբերաբար ֆինանսական ու պարենային օգնություն են կազմակերպում սիրիահայ համայնքի, ինչպես նաև Հայաստանում ապաստանած ընտանիքների համար:
Սիրիան այն մարդասեր երկիրն է, որ հատկապես Հայոց ցեղասպանությունից հետո ապաստան տվեց մեր զավակներին և հնարավորություն` որպեսզի կարողանան կազմակերպել իրենց հոգևոր-մշակութային կյանքը»,- նշեց Հայոց հայրապետը և կոչ արեց մշտապես աղոթել հայ և սիրիացի զոհերի համար, որպեսզի Տերը երկնային լուսեղեն հարկերում ընդունի նրանց հոգիները` մխիթարություն պարգևելով նրանց հարազատներին ու մերձավորներին:
