Գերմանիայում բնակվող երիտասարդ կոմպոզիտոր, դաշնակահարուհի Արևիկ Բեգլարյանի առաջարկով Հաղարծին վանական համալիրի սեղանատանը կազմակերպվել է «Հաղարծնի ղողանջները» խորագրով համերգ: Դաշնակահարուհին ծնվել, մեծացել ու երաժշտական կրթություն է ստացել Ֆրանկֆուրտ Մայն քաղաքում: Գերմանիայում մրցույթների հաղթող է, ելույթ է ունեցել Ֆրանկֆուրտի ֆիլհարմոնիկ նվագախմբի հետ, Բոննի Բեթհովենհաուս կամերային երաժշտության համերգասրահում: Երիտասարդ դաշնակահարուհու՝ Հաղարծնին նվիրված ստեղծագործությունից բացի հնչել են նաև հայ հոգևոր ու դասական երաժշտության գոհարներ:
2025-10-06
Telecast type: Լուր Ռեպորտաժ
